Olive Cafe (Closed)

本身係眾安街分店都已經食過幾次，見到荃新天地開左新店就試下呢間分店水準如何。呢度都好大間下，不過唔知係咪因為岩岩新開，d侍應有d遊魂既感覺，同埋好唔熟menu。我同朋友分別叫左兩個意大利飯，鵝肝多士，同埋兩杯飲品 - 紫森林。餐湯唔似西湯，我覺得賣相唔多討好，同埋比較鹹。至於杯紫森林，分店沖得好味d，呢度杯野飲淡左d。正宗既意大利飯應該係比較硬身一粒粒咁，呢度既就煮得比較軟，有d港式味道，但都係幾好味既。鵝肝多士係咁樣野最正，鵝肝煎得岩岩好，入口溶化咁，配埋多士好好味。同埋呢度d餐包唔錯。