喜來稀肉 (Closed)

等左一個鐘終於有位。個場好大，一入到去即刻覺得好凍。就係因為冷氣夠凍，就算對住個爐都唔會出汗 座位夠哂闊落，坐得好舒服，櫈入面可以擺袋，唔會搞到成身油煙味。一坐低枱面就有水、生菜、白蘿白、泡菜、芽菜湯、酸洋蔥絲、一碟有醬汁既菜同三種醬汁。上菜速度好快，落左單冇耐就可以即刻燒。叫左四款肉，其中護心肉好好食，但好難燒。因為太厚，好難熟。最好食係牛五花，塊肉薄得黎又夠牛味 豬肉五花腩雖然都好味，但太薄，如果包生菜食，生菜會遮哂豬肉味，牛五花包唔包生菜都一樣夠肉味！店內環境，包括枱面同座位都乾淨，唯獨係個廁所好污糟。埋單見到張單好體貼咁幫你除返每人要俾幾多，good!價錢唔貴、好食同環境又大又乾淨（除左廁所），整體黎講真係幾好。唔怕等位既話可以黎試下！