海魂燒 (Closed)

同女朋友行完銅鑼灣就去左依間去餐廳吃晚飯。我同女朋友兩個決定要一個二人餐A, 依個SET基本上咩都有點。首先頭盤係芒果牛油果沙律，芒果新鮮，牛油果蓉融入沙律裡面，配以沙律醬感覺好好!第二係炸拼盤，炸蝦天婦羅，雞翼同埋雞軟骨。點埋沙律醬食好好味！仲有金菇牛肉卷，牛肉同金菇一咬落去肉汁就出唒黎。波士頓龍蝦係重中之重，亦係主菜，賣相非常吸引！有埋芝士同海膽，而且龍蝦多肉。燒原條筍殼皇，整條魚上，骨細，魚肉加泰式醬一流。野菜湯烏冬份量多，個湯清甜，一大鍋上，有白菜同香菇，十分健康。甜品我地簡左燒芝麻湯圓，竟然真係燒出來的湯圓，像食燒綿花糖一樣，熱辣辣，好特別！我點左杯菠蘿冰，酸酸甜甜，開胃。