八月小品 (Closed)

已吃過好幾次，終於的起心肝寫食評。前天晚上再次到訪，今次點了晩飯孖寶，＄238有龍蝦伊面，大盆雞半隻。兩個人食，都好夠飽。龍蝦伊面味道正常，大盤雞有驚喜，上枱時仍吱吱渣渣，要用匙羹炒下以免食物癡底，有少少辣，好惹味，雖然得半隻雞，但係好大盆，名副其實嘅「大盤雞」，份量好足夠，雞夠嫩滑，薯仔超級無敵好食，薯仔炸過再煮，有D薯仔黐住個盤，薯仔會變得脆，更加好味。另外前菜也好好食，等小菜上枱前已經食晒。兩個人連茶芥，前菜及加一，＄300有找，價錢OK。