The Grove (Closed)

新開台灣菜😍近排好鍾意食台灣菜，尤其係肉燥拌麵同炸蕃薯條，食極都唔厭😆今次試咗土瓜灣新開嘅台灣菜，抵食又好食，而且選擇都好多。台北香腸肉燥飯，$56台式香腸又係點食都唔厭嘅，好好味，但最正係肉燥，一啲肥肉都冇，啱晒我，鍾意半肥瘦嘅可以叫魯肉飯，好少舖頭會有兩種選擇，正👍🏻台式肉燥拌麵，$56佢嘅麵係刀削麵，滑得嚟都好有嚼勁，好鍾意呢種質感，肉燥又係瘦肉，而且好多，好夠味。地瓜條，套餐加$20地瓜條炸得好脆，而且用嘅蕃薯夠甜，食到停唔到口😋鹽酥雞，加$22呢度嘅鹽酥雞同平時食嘅有少少唔同，唔知係咪炸嘅粉唔同，定係因為用咗好少粉，成粒都係肉☺️忌廉芝士貝果，$42估唔到仲有bagel賣，雖然已經好飽，但都係決定試吓🤣揀咗藍莓味，唔會好甜，bagel好煙韌，好好味，最正係俾咗好多忌廉，可以搽滿成塊包，好滿足。黃金芋圓球，加$20芋圓球又係炸過嚟，入面仲有蛋黃，幾特別。套餐仲包嘢飲，選擇都好多，可以加錢試啲特別啲嘅，我就加咗綠茶水晶，唔錯唔錯，朋友嘅冬瓜茶都話好飲😊抵食又好食嘅台灣菜，滿足。