紫粵軒

父親節提早與家人慶祝，第一次來紫粵軒食一個阿拉斯加蟹宴套餐，$598一位，加一服務費。蟹肉海皇羹，蟹肉係幾多，不過無咩鮮味。芝士焗蟹爪，味道好咸😖，蟹肉絲加咗啲粉漿同洋蔥，並非原條蟹柳，所以都係無蟹味可言，更甚的是，芝士唔太靚，唔香芝士味。蛋白蒸蟹，又一大pat芡汁，好咸呀😣 無蟹味😅 魚湯唐芹春荀，湯底同樣偏咸。最後去到個黑松露海鮮石鍋飯，已經食唔落，條脷食到鞋晒。食物幾乎道道都好咸，蟹肉無咩味道，好多芡汁，個汁又咸。起菜亦好慢，平均每15分鐘先起一味。總括來說十分不推介。