Video
Read full review
2009-06-21
38 views
(有相)好唔好食又睇落去282回: 父親萬歲@富聲酒家(最最最好味叉燒!)http://hk.myblog.yahoo.com/goodboy_philip/article?mid=35058父親節去邊度慶祝好呢? 好兒童做左 research, 提議去呢間0係銅鑼灣灣仔交界既 "富聲"! 平貴都無問題吖! 最緊要好味, 同埋係中菜, 好孩子爸好孩子媽鍾意食中菜! 今晚食完仲有親子活動呀!上星期 book 枱, 前日 fax 餐單黎, 尋日 "隔空" 揀定菜! 呢個 service 其實係酒家同食客都雙嬴既, 因為食客會覺得酒家細心體貼, 而酒家安排訂位, 上菜時間同入貨有靈活既安排!難怪! 難怪! 富聲 serve 既客個 list 好強...除左劉德華, 仲有好多名人! 咦? 點解有個 Bathing Ape 既 Logo 既? 唔通 Nigo 食過? 至於好唔好食?又睇落去? 地址: 灣仔好兒童同好男童遲到...無聊一影!八味豆腐: 外面薄脆, 味道濃烈, 似辣非辣, 似咸非咸, 豆腐軟棉棉, 好易入口! 好味!和哥叉燒: 係咁耐以黎食過最好最好最好食既叉燒!!!!!!! 如果閣
http://hk.myblog.yahoo.com/goodboy_philip/article?mid=35058
父親節去邊度慶祝好呢? 好兒童做左 research, 提議去呢間0係銅鑼灣灣仔交界既 "富聲"! 平貴都無問題吖! 最緊要好味, 同埋係中菜, 好孩子爸好孩子媽鍾意食中菜! 今晚食完仲有親子活動呀!
上星期 book 枱, 前日 fax 餐單黎, 尋日 "隔空" 揀定菜! 呢個 service 其實係酒家同食客都雙嬴既, 因為食客會覺得酒家細心體貼, 而酒家安排訂位, 上菜時間同入貨有靈活既安排!
難怪! 難怪! 富聲 serve 既客個 list 好強...除左劉德華, 仲有好多名人! 咦? 點解有個 Bathing Ape 既 Logo 既? 唔通 Nigo 食過? 至於好唔好食?又睇落去?
地址: 灣仔
好兒童同好男童遲到...無聊一影!
八味豆腐: 外面薄脆, 味道濃烈, 似辣非辣, 似咸非咸, 豆腐軟棉棉, 好易入口! 好味!
和哥叉燒: 係咁耐以黎食過最好最好最好食既叉燒!!!!!!! 如果閣下仔女好似近牌吸毒0個班衰仔衰女, 真係生上面0個叉燒好過!!! 講番呢件叉燒點好味先, 如果以出名叉燒好味既西苑同富聲比, 西苑係 100 分, 富聲就係 150 分!!! 西苑勝在燒得靚又甜; 富聲燒得都靚都甜, 不過肉質之彈性同味道之好真係帶成條街, 而且好味到可以用一條街去形容, 自己諗啦! haha,..好味到呢...係豎起手指之作! 大大力推介!!!
紅燒竹笙雞絲燴生翅: 翅一向唔識欣賞, 不過味道也不錯!
稻草牛: 十吋牛肋骨邊那半肥瘦的肉, 牛味濃郁, 可點芥辣更刺激味蕾! 不過我食唔到烹調過程包扎牛肋骨稻草味呢! 味道 ok!
黃金芝士炸蝦丸: 香口炸蝦丸, 炸至金黃色, 脆得黎唔油膩!
咬開, 芝士"支"哂出黎! 蝦膠好好咬! 超彈牙!
紅酒炆牛尾: 米芝蓮推介必食, size 約三寸 x 三寸 x 三寸, 牛尾炆得極腍, 牛肉味比之前的稻草牛更濃, 伴碟菠蘿同紅酒味鮮甜, 黏住既骨膠原更係女士恩物! wakaka...味道亦唔錯!
金元貝芙蓉白玉環: 食咁多肉, 清一清...再繼續食肉! kaka...
富聲馳名鮑汁豉油雞: 汁很入味, 不過肉質一般。
茹香欖菜帶子炆豆腐: 汁香味又濃, 帶子又多又爽! 如果屋企有咁好味, 餐餐都番屋企食呀!
野菌雙菇扒雙蔬
蝦乾飄香荷葉飯: 一揭開個 "荷包", 真係好香! 而且蝦乾同荷香味完全滲入飯中, 淡淡飯夾雜住雞肉叉燒粒, 好味! 推介!!!
湯圓, 木瓜, 楊枝金露
蛋黃壽桃包: 勢成個拳頭咁大!!!
蓮蓉蛋黃佔三分二, 大家食半個已經有 D 膩, 不過宜家諗番起都想食!
五人埋單千八, 味道真係得! 下次要黎飲茶!
環境: 3 (中式酒家裝潢, 有大廳有房)
衛生: 2.5 (有烏蠅啊!)
服務: 3.5 (BOOK 枱後 CONFIRM 菜單, 多客, 不過唔趕客!)
設計: 2 (MENU 全文字)
味道: 3.5 (味道整體非常平均, 接近四星。)
價錢: 3 (雖然有好多 "大富豪" 黎食, 不過價錢唔算係太貴, 以一個賽螃蟹為例 $80, 就算係米芝蓮推介既紅酒炆牛尾都係 $65, 其實比好多酒家更平。)
最終評分: 3.5 推薦!!! 最好食叉燒!!!
------
富聲魚翅海鮮酒家,富聲,蘇施黃,米芝蓮,好孩子,日本,極速緋聞,巨乳排球
Post
