Moon Thai (Closed)

好唔容易又一年老實說一五年不是易過既一年。終於黎到十二月。望住個年結真係有啲想喊。年尾總要對自己好啲。就黎食餐好既。望有個正既2016。 先黎啲小食送下酒。個蝦餅夠彈牙。咬落仲有汁吱出黎。唔洗點醬都清左碟。豬頸肉更加爽。件頭夠大。先可以食到肉既質感。外面微焦帶香。而肉汁同油香係你食既時候爆發。拍得住啲名店叉燒。 另外既香口野更加係酒盗！碟魚仔腰果應該要一人一碟。魚仔炸得酥脆。腰果烘得香口。配埋啲檸檬葉同青胡椒。仲要唔係好油。用手掉入口好過癮又唔會成口都油。真係食到唔停口。果籃蝦片亦係另一個停唔到口既位。夠脆。夠香口。呢種誘惑係你明知咁食法聽日會喉嚨痛。但係都阻止唔到隻手拎下一塊。咁點算呀？飲多杯酒平衡返囉XD 借住幾分醉意。朋人豪起黎竟然一人一個泰式煲仔翅。直頭魚翅撈飯豪一豪佢！上枱夠氣勢。一煲仲滾緊既翅湯。仲有一個好靚既盅裝住個飯。果梳翅算粗針。發得透徹。帶中國風既紅燒汁一定要落芽菜。感覺好似即刻去左芭提雅咁！畢啲魚翅撈飯？錯曬！梗係將個飯加落個翅到啦。翅先係主角呀！ 臨尾黎個甜品拼盤。個南瓜布甸又滑又甜。千層糕又香又煙靱。一個唔錯既結尾。望就