龍鳳冰室 (Closed)

一家三口, 行到大坑, 一心打算食好嘢。行兩行發現「出名」嘅, 都大排長龍, 已經好肚餓, 唔等得, 冇辦法啦, 見依間嘢門口展示嘅相都幾吸引, 比佢吸咗入去。三個字: 中 伏 !坐位: 坐在門口, 被「風閘機」及冷氣嘅風夾攻, 大人及小朋友全程要想辦法用披肩及帽, 笠著個頭先捱到繼續坐落去。冇人會關心下係唔太大風嘅。空間很擠迫。食物1) 特餐 (雞翼 火腿 通粉, 菠蘿包, 炒蛋, 熱奶茶)雞翼太鹹 火腿 通粉太淋、份量少。炒蛋是唯一算唔錯嘅食物, 份量足, 比較似樣。菠蘿飽難差, 不知所謂的「來貨翻叮飽」。難為個女侍應放低個飽時仲講一句: 「要即刻趁熱食」。熱奶茶, 唔好飲。(2) 炭燒雞扒(豬肉鬆)飯, 凍檸茶炭燒雞扒, 太乾身, 優點係有蜜糖。蜜糖好味, 雞扒唔好味。飯太硬, 食到胃痛。所以食唔曬。飯中的豉油汁, 只有顏色, 冇味道嘅。凍檸茶, 唔好飲。