Penthouse (Closed)

今年10月，朋友同我去呢間餐廳慶祝我生日。一入餐廳，燈光環境係perfect嘅，話唒無敵夜景係佢賣點之一。坐低後有個好幽默嘅waiter走埋黎同我地傾計，再介紹我地有咩係佢recommends嘅，之後我地就落order。講真，食物賣相係唔錯，味道係咪值米芝連就見仁見智，service係ok嘅，最後埋單3個人$3000左右。但到我地離開餐廳就發現，喺大厦嘅𨋢門貼左張poster，原來呢間餐廳做緊2個promotions，第一，如果你食夠$1500或以上，用citibank信用卡埋單，係有1枝紅酒或者白酒送番俾客人。第二，有一個買1送1嘅餐。但問題係，無論我地喺落單嗰陣，又或者係menu，都冇人同我地講過有買1送1呢樣嘢。而埋單亦冇職員問我地有冇Citibank信用卡。而全間餐廳，even係你坐嘅嗰張枱都冇擺任何做promotion嘅牌仔。到我地發現返轉頭問職員，佢嘅答案竟然係餐廳冇位擺promotion嘅牌。我話void單轉用Citibank，叫佢補返枝酒俾我地，佢答我地已經埋唒數，要void單會好麻煩⋯⋯嘩~呢間餐廳係米芝連喎，竟然係用埋啲咁嘅方法cheat佢嘅客人，我永遠唔會再去幫襯