Fass (Closed)

聽人講尖沙咀呢間的豬手唔錯就去試下, 餐廳位於地牢, 一行落樓梯已有侍應等待, 因為事先已訂位, 所以即刻有位坐, 餐廳燈光有的暗, 但氣氛幾好, 而卡位是坐入去木酒桶裡面幾得意,  因為天氣太熱, 坐底即order柸啤酒嘆下, 德國 Bitburger 生啤好純好易入口, Salad with Balsamic Dressing 菜好新鮮, 個沙律汁酸酸地好清新開胃, German mixed Sausage 可以一次試到幾款腸, 朋友話幾款腸都好好食, 但我覺得味道好似差唔多, 唔太食出分別, Roast Pork knuckle with Sauerkraut 個豬手皮脆到不得了,  外脆內軟, 咬落去feel到食左好多骨膠, 而且一的都唔肥膩, 唔油, 十分好味, 豬手切開一件件大小適中, 旁邊既酸菜簡直係絕配, 完全中和豬手少少肥膩感, 一路食下傾下飲下啤酒咁唔經唔覺坐左幾粒鍾, 愉快.