Video
Read full review
2022-03-08
41 views
今日係週末都要返公司OT，做完嘢大約2:30就去附近餐廳食個下午茶解下鬱結。上OpenRice俾我搵到呢一間餐廳，地方寬敞，環境舒適，雖然今日自己一個人，但係可以靜靜地睇吓書，都幾寫意。週末有週末嘅Menu，其實好多嘢我都想食，不過今日特別想食甜點，所以叫咗個雜果窩夫。香脆窩夫外脆內軟之餘，奶味和蛋味平衡得啱啱好，餅身較厚，格仔較大。雜果有士多啤梨、芒果、藍莓同神石榴，用神石榴我係覺得較特別同有驚喜，佢味道酸酸甜甜，好fresh，令人好開胃。配料加左開心果增加口感，灑咗少少綠茶粉、糖霜同士多啤梨醬令賣相再提升，而糖漿可以按個人喜好淋上面，但其實唔落都好夠味。每個餐都有跟咖啡或茶，我叫咗即磨咖啡，咖啡香濃，唔使加糖已經好好飲，差不多飲完侍應再問我需唔需要添飲，服務好之餘，有無限添飲又幾好喎，真係可以坐成個晏晝🤭🤭如果疫情過後，可以約埋三五知己食吓嘢傾吓計過一個週末👍🏻👍🏻
上OpenRice俾我搵到呢一間餐廳，地方寬敞，環境舒適，雖然今日自己一個人，但係可以靜靜地睇吓書，都幾寫意。
週末有週末嘅Menu，其實好多嘢我都想食，不過今日特別想食甜點，所以叫咗個雜果窩夫。
香脆窩夫外脆內軟之餘，奶味和蛋味平衡得啱啱好，餅身較厚，格仔較大。
雜果有士多啤梨、芒果、藍莓同神石榴，用神石榴我係覺得較特別同有驚喜，佢味道酸酸甜甜，好fresh，令人好開胃。
配料加左開心果增加口感，灑咗少少綠茶粉、糖霜同士多啤梨醬令賣相再提升，而糖漿可以按個人喜好淋上面，但其實唔落都好夠味。
每個餐都有跟咖啡或茶，我叫咗即磨咖啡，咖啡香濃，唔使加糖已經好好飲，差不多飲完侍應再問我需唔需要添飲，服務好之餘，有無限添飲又幾好喎，真係可以坐成個晏晝🤭🤭
如果疫情過後，可以約埋三五知己食吓嘢傾吓計過一個週末👍🏻👍🏻
Post
