人和月雞煲火鍋店 (Closed)

朋友話尖沙咀有個酥皮火鍋，即刻嚟睇吓係咩料🤩揀左任食套餐入門版嘅C 餐，已經包括外面自助區前菜，另外仲有任飲汽水，自家茶同甜品。第一道菜先食雞煲或者烤魚，我哋叫咗小辣🌶️酥皮火鍋雞煲真係好特別，啱晒打卡🤣 之後職員會幫你介開個酥皮就會聞到香噴噴嘅麻辣味🤤雞煲味道唔錯，麻辣味香濃，花椒味好香夠麻。小辣啱啱好，係惹味嗰隻辣，用嚟配酥皮簡直係perfect match！食完都已經半飽🤭之後就轉食火鍋，總共有八個湯底。我哋揀咗胡椒豬肚湯，跟餐會有一個精選牛肉同海鮮拼盤。胡椒豬肚湯底有驚喜，好香濃嘅胡椒味，幾好飲。最後唔少得食埋甜品，有芋圓涼粉同雪糕。