函館元祖北海道拉麵

Open Now

Now Closed

幾個月前試過呢間食肆，幾好味，之前每次去都有好多日本人幫襯，令我覺得食物應該都幾正中，之後間唔中就去吓。因為時間尚早，今次同老公兩個人係唯一一枱客。我地叫咗豬骨湯拉麵，餃子同炸豬扒：我：　要一個豬骨湯拉麵，一客餃子...職員：即係豬骨湯拉麵餃子餐？（其實個名唔重要，俾到我要嘅食物我就得啦）我：　要個炸豬扒。（點聽都唔會聽到個飯字）職員：要個炸豬扒飯？我：　炸豬扒。過咗一陣，嘢食到咗。個豬骨湯拉麵好有水準，個湯好味但係又唔會令你好口渴；餃子無試但係個樣望落幾好；炸豬扒大大塊，裡面真係有肉，唔似另外一間連鎖拉麵店咁又細又薄。決定再叫一個小食燒雞肉，個阿姐又聽錯，嚟咗碟照燒雞肉；全晚要叫先加水。其實 d 嘢食真係好味，奈何服務水準開始下降，希望佢地快 d 有改善啦。