Video
Read full review
2018-03-24
67 views
今日同一班大學同學去食台灣燒肉！平時日式燒肉同韓燒就試得多，台式真係第一次，超期待啊！之前上網睇食評個個都讚不絕口，等我呢個肉食愛好者試一試先！ 我地四個人點左招牌牛舌，每一塊牛舌上面都佈滿左蔥花同鹽，服務員幫我地燒到五分熟，肉質爽口又充滿蔥既香味，我地食完忍唔住再叫多一碟！食完牛舌之後服務員即刻換左第二個網幫我地燒烤肉味既牛肋條，超好服務！牛肋條一樣燒到五分熟，肉味好濃，燒到岩岩好，正！另外我地仲叫左骰子牛肉同牛五花，雖然份量比較少，但味道真係唔錯嫁！豬方面我地就叫左招牌梅花豚肩排，半肥瘦岩岩好，口感鬆軟，好味！除左肉之外，店員仲推介左墨魚香腸，好彈牙好有驚喜！仲有我從來都無食過既山藥，燒起上黎有d似厚切薯片，脆卜卜，值得一試！ 總括黎講，野食高質，服務好好，店員好主動好有禮物，環境亦好舒服！不過一分錢一分貨，四個人大概食左$2000到，少少貴，但值得嫁！
我地四個人點左招牌牛舌，每一塊牛舌上面都佈滿左蔥花同鹽，服務員幫我地燒到五分熟，肉質爽口又充滿蔥既香味，我地食完忍唔住再叫多一碟！
食完牛舌之後服務員即刻換左第二個網幫我地燒烤肉味既牛肋條，超好服務！牛肋條一樣燒到五分熟，肉味好濃，燒到岩岩好，正！
另外我地仲叫左骰子牛肉同牛五花，雖然份量比較少，但味道真係唔錯嫁！豬方面我地就叫左招牌梅花豚肩排，半肥瘦岩岩好，口感鬆軟，好味！
除左肉之外，店員仲推介左墨魚香腸，好彈牙好有驚喜！仲有我從來都無食過既山藥，燒起上黎有d似厚切薯片，脆卜卜，值得一試！
總括黎講，野食高質，服務好好，店員好主動好有禮物，環境亦好舒服！不過一分錢一分貨，四個人大概食左$2000到，少少貴，但值得嫁！
Post
