多彩皇宮

Open Now

Now Closed

今日朋友相約到石硤尾多彩酒家飲下午茶，其實一般舊式茶樓，都冇乜嘢好講， 點心一般，服務一般，都習以為常 。其後有朋友失約，叫侍應改茶位， 三催四請 佢都係 掛住同人傾計， 而家香港啲茶樓門堪羅雀點解仲係咁嘅服務態度， 同埋茶樓不嬲畀我哋啲氣氛都係嘈喧巴閉，個個客人傾計， 咁去飲茶梗係傾計啦，唔係飲茶做乜啫 。但係呢間茶樓係嗰啲員工傾計，仲大聲過 客人傾計。 今日仲好運氣 ，撞到有個員工 久唔久會大嗌一聲， 嚇到我次次個心都痛一痛， 如果我心臟有事應該死咗 ， 佢可以每一次同啲同事傾計都係尖叫一聲，認真要命。