Video
Read full review
2011-04-12
45 views
傳統美食買少見少，能堅持落足料做好食物嘅更加愈加難搵雞蛋仔呢種美食基本上可以同腸粉齊名，都係任何人食過都會愛上佢，但係依家嗰尐充斥市場嘅所謂小食舖嘅雞蛋仔，根本係令人卻步，我會叫嗰尐做假雞蛋仔或者雞蛋殼一粒好嘅雞蛋仔必需外脆內軟，半實半空，歷久不潮，呢尐亦都係雞蛋仔好食吊軌之處但係現在小食舖嘅雞蛋殼可能因為法例嘅問題或為求方便改用發熱線去整熱個雞蛋仔夾根本唔夠力做到外脆內軟，半實半空，歷久不潮嘅地步，因為發熱線嘅熱力唔能夠好似用炭火咁有力使到雞蛋仔入面嘅水份快速迫水，亦唔會好似用炭爐咁能夠先燒紅一邊雞蛋仔夾再將蛋漿倒入蛋模可以將一邊滿滿嘅蛋漿先行快速凝固大半，再反轉雞蛋仔夾令未完全凝固嘅蛋漿流到未有蛋漿嘅一邊再以高熱將呢層薄薄嘅蛋漿燒硬，所以用發熱線做出嚟嘅雞蛋仔會好快受潮，為咗能加快做好同減低成本，小食舖只可以做到一個雞蛋殼，加上用發燒線係不斷發熱冇得離火，所以為免長時間受熱而令雞蛋仔燒燶，所以將糖份同蛋嘅份量都減，好多時大家會食到只有粉味嘅雞蛋仔就係咁解所以，大坑伯伯嘅炭燒雞蛋仔係要支持嘅，如果享日本或者其他國家，呢尐咁有特色，咁有個性嘅食物，一早可以升華做大師級或者受專重到入晒舖
雞蛋仔呢種美食基本上可以同腸粉齊名，都係任何人食過都會愛上佢，但係依家嗰尐充斥市場嘅所謂小食舖嘅雞蛋仔，根本係令人卻步，我會叫嗰尐做假雞蛋仔或者雞蛋殼
一粒好嘅雞蛋仔必需外脆內軟，半實半空，歷久不潮，呢尐亦都係雞蛋仔好食吊軌之處
但係現在小食舖嘅雞蛋殼可能因為法例嘅問題或為求方便改用發熱線去整熱個雞蛋仔夾根本唔夠力做到外脆內軟，半實半空，歷久不潮嘅地步，因為發熱線嘅熱力唔能夠好似用炭火咁有力使到雞蛋仔入面嘅水份快速迫水，亦唔會好似用炭爐咁能夠先燒紅一邊雞蛋仔夾再將蛋漿倒入蛋模可以將一邊滿滿嘅蛋漿先行快速凝固大半，再反轉雞蛋仔夾令未完全凝固嘅蛋漿流到未有蛋漿嘅一邊再以高熱將呢層薄薄嘅蛋漿燒硬，所以用發熱線做出嚟嘅雞蛋仔會好快受潮，為咗能加快做好同減低成本，小食舖只可以做到一個雞蛋殼，加上用發燒線係不斷發熱冇得離火，所以為免長時間受熱而令雞蛋仔燒燶，所以將糖份同蛋嘅份量都減，好多時大家會食到只有粉味嘅雞蛋仔就係咁解
所以，大坑伯伯嘅炭燒雞蛋仔係要支持嘅，如果享日本或者其他國家，呢尐咁有特色，咁有個性嘅食物，一早可以升華做大師級或者受專重到入晒舖，就算賣三十蚊底都會有人慕名而來，但係香港政府就要拉要鎖，不斷毀滅佢哋，就好似景賢里咁，如果唔係咁大回響都冇人做嘢，不過，我都好希望雞蛋仔會繼續成為街頭小食，令到小朋友同大朋友都能夠隨時食到，隨時可能感受到製作者嘅心意，同埋由製作者手上接到美味之餘再加上一份人間有情
喜歡食雞蛋仔嘅你一定要去食一次，食過之後你唔會再想食發熱線蛋殼，真係好好食架～～～
Post