Video
Read full review
2021-08-19
1336 views
老鬼話當年又嚟啦！80~90年代自己第一同第二份工作，都係新浦崗工廠區返工，當時大磡村仍然存在.後來同D新浦崗朋友話當年，都問我同一個問題.....有無去過大磡村食擔擔麵？可惜.... 真係好可惜..... 我係無去過！可以講....係人生飲食手冊上一大遺憾！所講嘅擔擔麵，都唔洗我多講係邊間吧.....詠黎園黃埔店去過幾次，黃大仙係第一次！話當年嘅朋友都話當年嘅麵比依家更好，好可惜，我無得比較！只可以單憑眼前嘅麵去評價...極可惜.....黃埔店第一個印象係熱！冷氣嚴重不足！希望黃大仙店冷氣夠！嚴重路盲嘅師姐約我食飯，由於佢路盲情況唔輕，佢又搬咗去黃大仙，所以去D近佢屋企嘅餐廳食飯吧！其實..... 係師姐俾個機會我去詠黎園食飯.未到餐廳，遠遠已經見到門口有不少人排隊等位，好彩我已訂枱！環境冷氣不足，原因餐廳內落咗唔少膠片分格開，好彩早有準備帶定USB風扇.點咗酥炸鳳尾魚，鮮肉小籠包，脆皮春卷，生煎包，擔擔麵走辣，清炒蝦仁，砂鍋雲吞雞半隻，甜品係豆沙鍋餅。優點：1, 酥炸鳳尾魚酥脆香口，魚肉魚骨都炸到脆哂！味道帶甜，做前菜一流！2, 蟹肉小籠包停售，失望！轉叫鮮肉小籠包，無加醋一口食哂
80~90年代自己第一同第二份工作，都係新浦崗工廠區返工，當時大磡村仍然存在.
後來同D新浦崗朋友話當年，都問我同一個問題.....
有無去過大磡村食擔擔麵？
可惜.... 真係好可惜..... 我係無去過！
可以講....係人生飲食手冊上一大遺憾！
所講嘅擔擔麵，都唔洗我多講係邊間吧.....
詠黎園黃埔店去過幾次，黃大仙係第一次！
話當年嘅朋友都話當年嘅麵比依家更好，好可惜，我無得比較！只可以單憑眼前嘅麵去評價...
極可惜.....
黃埔店第一個印象係熱！冷氣嚴重不足！希望黃大仙店冷氣夠！
嚴重路盲嘅師姐約我食飯，由於佢路盲情況唔輕，佢又搬咗去黃大仙，所以去D近佢屋企嘅餐廳食飯吧！
其實..... 係師姐俾個機會我去詠黎園食飯.
未到餐廳，遠遠已經見到門口有不少人排隊等位，好彩我已訂枱！
環境冷氣不足，原因餐廳內落咗唔少膠片分格開，好彩早有準備帶定USB風扇.
點咗酥炸鳳尾魚，鮮肉小籠包，脆皮春卷，生煎包，擔擔麵走辣，清炒蝦仁，砂鍋雲吞雞半隻，甜品係豆沙鍋餅。
優點：
1, 酥炸鳳尾魚酥脆香口，魚肉魚骨都炸到脆哂！味道帶甜，做前菜一流！
2, 蟹肉小籠包停售，失望！轉叫鮮肉小籠包，無加醋一口食哂，爆汁效果有但唔算強，皮薄無穿，餡料新鮮，滿意！
3，脆皮春卷外皮脆口，餡料足.
4，生煎包底鋪滿芝麻，口感鬆軟，餡料亦足夠無偷工減料.
5，豆沙鍋餅外貌唔多樣好，但口感味道極好，夠熱，外皮脆，豆沙餡料甜又足，豆泥香軟，必食！
6，清炒蝦仁彈牙，新鮮，味道鮮甜，如果加上蔥段更夾自己口味！
缺點：
1，擔擔麵身彈牙，口感同黃埔店分別唔大，但味道過鹹！黃埔店反而無咁鹹，奇怪.....
2，砂鍋雲吞雞雲吞餡足料，成個砂鍋份量不少夠台型！但湯底又係過鹹！
可能...... 四川人口味偏鹹吧！
清炒蝦仁
24 views
0 likes
0 comments
砂鍋雲吞雞
24 views
0 likes
0 comments
豆沙鍋餅
26 views
0 likes
0 comments
Post
