詠藜園四川菜館 (Moved) New Location

黃大仙這間餐廳開咗好耐，聽唔少朋友講味道唔錯，今日就等我嚟試試佢嘅味道🤭1️⃣黑醋骨黑醋骨醬汁味道濃郁，骨肉易分離，肉質偏腍，感覺係精心烹調咗好耐，一碟上嚟大大份，肉嘅份量比得唔孤寒2️⃣炒回鍋肉見到隔籬枱幾乎都有嗌回鍋肉，跟機！真係冇失望，有菜有肉，肉嘅份量都唔少，好送飯3️⃣牛展擔擔麵嚟到上海餐廳點可以唔嗌擔擔麵🫡面嘅份量偏小，湯底好濃厚嘅花生醬味，味道係淡淡地唔會偏鹹，牛展唔錯，不過得薄薄地嗰幾塊餐牌

首先佢哋原來唔係結束營業，係會做到二月尾，但係三月中已經喺隔籬兩條街，在新舖繼續營業，如果想懷緬以前嘅味道，對唔住，真係越食越差，如果要懷緬一下舊嘅裝修舊嘅情懷，去食下午茶算啦，希望新地點佢哋會改善味道！值得一讚嘅係佢哋嘅服務全部人上上下下都好似對你係舊街坊咁，實在值得讚許，地方及裝修當然跟以前一模一樣，但係食品真係越來越差，上一次接近10年前去，記憶中擔擔面同埋過橋水餃都非常好食，現在好似所有餸都係同一隻味咁

由出世食到大，食左廿幾年，以前細個成日去食，直頭係我既飯堂，但食物同環境衛生每況越下，已經好耐無再去食了！間鋪一入到去成陣曱甴屎味，聞到都已經唔開胃🤢 聽聞來緊會搬鋪，希望環境衛生有改善，令我有再去幫襯的機會😄

呢篇係我第一次打嘅食評，因為食物質素實在太出色！同一大班朋友做完運動後，有一個喺附近住嘅朋友介紹去呢間老字號食飯。環境雖然有少少殘舊，但食物嘅質素真係好高。叫咗擔擔麵、改良擔擔麵、燈影藕片、孜然雞、小籠包、水煮牛、獅子頭、回鍋肉、豆沙鍋餅。每一味都好香口非常出色。我本身唔鍾意食川菜嘅，都忍唔到口不停食！呢間老店係完全顛覆咗我對川菜嘅睇法，希望老闆可以繼續俾心機做落去可惜嘅係，小弟本身唔係foodie，冇幫佢哋影到相留念😂

知道這間馳名擔擔麵店將结業，馬上趕上尾班車，回味兒時味道啊……改良擔擔都嘅醬汁都香濃，加上肉碎一起吃，真的回味無窮！另外加個酸辣湯，味道酸辣適中，這兒時味道真的難以忘懐……快將结業，希望還可再來多一兩次吧……雖然黃埔也有分店，但黄大仙這老店的風味和人情味绝對只此一家……

傳統上海舖👍🏻👍🏻好鐘意食佢既雲吞雞煲 真係幾好食 性價比高又大大份👍🏻🤣仲有好多傳統上海野食❣️最岩同屋企人同一大班朋友去食😋😋😋😋😋😋

詠藜園的歷史可以追溯到過去幾十年👍。詠藜園是黃大仙的一家以四川菜為主題的餐廳，提供正宗的川菜美食。詠藜園的創始人對四川菜的熱愛和烹飪技巧的追求促使他們開設了這家餐廳❤️❤️。他們希望將正宗的四川菜帶給更多的人，讓他們在香港也能品味到地道的川菜風味😊😊。詠藜園在創立初期主要提供傳統的四川菜餚，如麻婆豆腐、水煮魚、招牌擔擔麵🍜、回鍋肉等。由於其口味獨特、香辣可口，很快就贏得了眾多食客的喜愛和支持。隨著詠藜園的口碑不斷提升，更多的人開始前來品嚐他們的美食。這些滿意的食客通過口口相傳，使得詠藜園的知名度逐漸擴大。為了滿足不同食客的需求，詠藜園逐漸推出了更多創新的四川菜餚。他們在保持傳統風味的同時，注重菜品的精心製作和味道的平衡，以迎合現代人對飲食的要求😊。隨著時間的推移，詠藜園的業務不斷擴展，開設了更多的分店👍。他們的川菜美食吸引了更多食客，成為了香港一個知名的四川菜品牌❤️❤️。至今，詠藜園仍然致力於提供正宗的四川菜美食，以其獨特的口味和高品質的食材贏得了廣大食客的喜愛。無論是追求辣味的食客還是喜愛麻辣風味的人，詠藜園都能為他們帶來一場美食的享受。詠藜園的成功得益於他們對川菜傳統的堅持和不斷創新的精

聽聞呢間舖頭巳經好多年歷史係一間老店，所以專程來試吓，是否真的出色，我哋首先點咗一個擔擔麵啊，佢表面嘅醬汁都比較濃，但係我認為如果可以再多啲醬汁麵會更加好食，另外我哋點咗個酸辣湯味道不錯，但是我仍然覺得裏面嘅餸唔係太多，而且汁會偏多，味道就偏酸，但我覺得還可以，我們點了一個蒸餃，裏面嘅餡比較豊富，吃落去可以有飽肚嘅感覺，而旦比較多菜，所以我覺得呢個幾健康，本人都覺得幾喜歡另外叫了個皮蛋豆腐，個豆腐好滑，一片片，但係可能呢個餸唔係太考功夫，只係用一啲新鮮嘅豆腐去做，本人覺得好健康，皮蛋加埋一啲醬汁也不錯，整體來說這餐飯都幾好味，但係也但是我不會令到我會有一種返轉頭再想吃的感覺。

每次去開黃大仙，或者新年去黃大仙廟拜神，都會諗起呢間上海嘢食。雖然店員服務態度冷淡，唔憂做咁。但係質素頗高，口味正宗，可以彌補😌改良版擔擔麵 $46麵質、湯底、辣度都唔錯，唯獨花生醬味偏淡，適合非重口味人士。紅油抄手（8隻）$42每隻都飽滿足料，而且皮薄。酸辣味恰到好處，十分開胃👍🏻麻油雞 $70 麻油雞為是日特價菜式，份量唔多。但係試完之後，覺得呢款先至係必點‼️麻醬同麻油味相當重，係令人印象深刻的味道。豆沙鍋餅 $42呢個正常味道，性價比不高，可以省略。

我都係近期先知道原來我成日去開黃埔果間詠藜園並唔係唯一一間係黃大仙仲有另一間二間好似係大房二房既關係並唔屬於同一個集團由黃大仙廟過黎都要經過條斜路係鳳德道消防局斜對面門口就比起黃埔果間舊式中秋節假期十一點幾唔洗等位座位比想像中闊落雖然舊派但唔會好似新蒲岡手拉麵小廚咁迫夾有二人檯唔需要搭檯除左茶錢花生都要收錢人手洗碗食物種類都幾多麵都有成兩板多過黃埔好多黎詠藜園就一定係食擔擔麵既呢度一樣有改良同唔改良價錢比黃埔平一至兩成賣相就好似一樣係無肉版本麵身就比較白湯都係好濃好杰我就覺得兩間分別唔太大唯一差別可以就係個麵度呢隻麵無黃埔口感咁好小籠包就要八隻起既65蚊即係大約8蚊隻一樣係黃埔八折裡面肉汁都唔少但就未去到爆汁味道我覺得好過黃埔果隻最後仲叫左廿隻過橋水餃70蚊20隻一樣都係手工野塊皮幾好食抵食過小籠包淨係食水餃都食飽茶錢2蚊位花生5蚊碟無加一埋單176好似平過黃埔店但就完全無食過佢地d小菜淨係食左麵同點心點心唔錯擔擔麵一樣水準服務普通正常比起黃埔好係要上斜路先黎到比較麻醉下次可以試下帶廢老黎食小菜

星期六行完獅子山嚟到附近搵嘢食，發現有間好似上海菜嘅食店，但佢招牌係四川菜，不過唔緊要因為好肚餓喇，老店嘅門面入到去是一般老店格局，才下午6點幾差不多已經坐滿，我心想應該沒有來錯，時間咁早已經咁多人，睇咗一陣餐牌好多嘢都想食但得兩個人，就叫咗雲吞雞，螞蟻上樹，生煎包。等緊上菜就食住花生先，個花生又好好食，好快就食完，先來生煎包和螞蟻上樹，咁就唔客氣喇，開動，生煎包比一般的大，但裡面舊肉就細咗啲，同埋有乜肉汁，螞蟻上樹，冇咩好講，就係好食，之後嚟埋雲吞雞，個雲吞，雞同湯都出色，好好食。似係家庭式小生意，總括然而好食，想會再來食其他菜式。

聽講黃大仙有間好出名既川菜，今日就黎試下佢，好勁架呢道，下午5點就開始要等位喇，好彩等左一陣就入得喇，一坐低就有佢地秘製花生送，好好味既魚皮花生，我鍾意我地叫左 #雞絲鍋巴 就係一個飯焦配雞絲羹，飯焦超脆，保留好香米味，沾個雞絲湯羹少少咸，一齊食起黎，外林內軟，幾特別之後都叫左半隻 #樟茶鴨 鴨肉全部入味，食起黎好香煙薰味，但外皮又好香脆，好特別，好好味半隻份量都好多，非常滿足甜品我地叫左 #豆沙鍋餅，皮薄餡多，炸得又脆，正詠藜園四川菜館 (黃大仙)黃大仙鳳德道15-17號地下#美食 #食 #食好西 #我地開邊飯 #黃大仙好去處 #Food #eat

一直都想吃四川菜但都未有時間，現在終於有時間去吃了！剛好有離我家不遠的川菜館（即此店）！四川菜是中國菜中的四大菜系之一，以麻、辣、鮮、香為特色，以一菜一格、百菜百味而聞名。進入此店後，我點了回鍋肉、宮保雞丁與改良擔擔麵三種料理……先講回鍋肉，此菜於川西地區稱之為熬鍋肉，材料有五花肉、蒜苗、青椒、椰菜、豆乾還有辣椒等，鹹鮮味辣、略帶回甜、肥而不膩！再講宮保雞丁，材料有雞丁、芹菜、腰果、蔥還有辣椒等，香辣味濃、肉質滑脆、鮮香可口！最後講擔擔麵，選改良版是因為原版沒有肉碎，為的是更正宗，麵條佐以花生醬湯底，風味十足！整體來說製作得挺正宗，出餐挺快，有機會會再回去吃的！

第一次食，見到有涼伴芹菜，涼伴木耳，涼伴大豆芽，其實都好健康，雞絲粉皮和豆腐皮蛋都覺得好值得一試，最好味，莫過於燻魚和五香牛肉麵，燻魚炸得超好味，又超入味，超正！我們兩個叫了七八碟，都食得曬，因為正是好味，如果怕肥，或唔想浪費，可以下單時叫「少麵底」或者「麵走半」，但涼伴的餸多食都不怕，芹菜始終對心血管有益，降血壓，又減肥。有機會都會再光顧。只是服務上，有侍應講粗口，我個人認為這方面是差少少。但她們都做了數十年，黃大仙區，是這樣的。

耐唔耐都會想食吓四川菜同上海菜，詠藜園都係其中一間出名嘅老店，都已經唔係第一次嚟食，黃大仙呢間裝修依然懷舊，聽啲長輩講食物都保留住大磡村時期的原有風味。#酥炸鳳尾魚首先叫一個開胃前菜，通常都係室溫，脆口甜甜的，都有好多條，鍾意食炸嘢可以一試。#酸辣湯鍋巴 $84好鍾意飲呢個酸辣湯，足料夠酸，鍋巴炸得通脆，沾湯食一流，好有飽肚感。#小籠包 (8個) $65每次嚟到都會食小籠包，熱辣辣，皮薄餡靚有湯汁，每隻第一啖食落去都要小心翼翼，怕爆湯汁唧出嚟，值得推介。#回鍋肉 $66腩片肥瘦適中，切得厚薄剛好，有層肥肉同椰菜炒起來夠晒鑊氣，口感爽，醬油味香，辣度適中，本身呢味餸係會比較多油。#招牌擔擔麵 $32嚟到詠藜園一定要食擔擔麵，客人可以選擇辣或唔辣，花生醬湯底濃郁，有粒粒花生碎，有咬口，麵身硬度剛好，食過一定會愛上。耐無食一段時間，便會囉囉攣有想嚟食返碗嘅衝動。#鱔糊炒粗麵平時會直接叫碟韭黃鱔糊，但今次又想食粗炒，咁不如試吓夾埋。鱔糊爽口入味，醬汁煮得杰身濃郁，配上芽菜韭黃口感有層次，粗麵炒得乾身唔多油，醬油味濃。不過鱔糊份量就始終少過叫一碟鱔糊，有啲唔夠喉。#酥炸大腸 $80因為想食所以無