Terrace in seaside (新城市廣場一期)

Open Now

Now Closed

早排係旺角見到呢間野門口排晒長龍，先醒起原來沙田都有一間分店，睇過d 食評好似幾好咁，同埋都值得打卡，所以今晚同女友黎沙田試下。佢個位置比較特別，係正中間，好開揚，唔係一個鋪位咁，應該係特登間出黎。6點幾去到，得2檯人，睇完餐牌，舉手打算點餐，個男侍應掛住撩個女侍應傾偈完全無視我地，要後面另一個人出聲佢地先sense到，我地點左傳統飯團（推介）同肉醬芝士千層麵（推介），因為佢係標明推介，所以我地諗應該唔會太差掛。食完等於無食諗住埋單，點知個男侍應又係掛住同個女侍應傾偈，唉，好心佢啦，返緊工嫁，要我地走出去佢地先醒覺。