薩莉亞意式餐廳 (現崇山商場) (Closed)

前幾晚屋企冇煮飯，就同屋企人去附近嘅薩莉亞開餐，貪佢夠平夠抵食，晚上七點前去到已經要排隊，仲咁啱部攞飛機壞左，要侍應負責派飛等位，經再三催促下，等左大約十五分鐘終於有二人位坐低即刻點嘢食，有一段時間冇去過，覺得餐牌多左選擇同時亦貴左，我地揀左一個雞肉野菌雙享薄餅同一個墨汁意大利飯🇮🇹，上菜速度都算快，我見侍應不斷由廚房拎食物出嚟，忙過不停先講薄餅，賣點就係一個pizza有兩款材料，size比我想像中大，因為以往覺得薩莉亞嘅食物份量相對細，今次有進步。pizza 鋪滿芝士，好濕潤，野菌味道唔錯而且夠多，而我最鍾意就係雞肉，焗得幾香同帶有少少黑椒味，呢個pizza 值得一試但跟住就到黑暗料理嘅出現，墨汁意大利飯嘅水準令人失望，成碟好似湯飯甚至粥嘅口感，煮得太淋而且有太多汁，味道好咸，只係食到好重蒜蓉味，碟中只有少量墨魚，沒有其他配料，同我印象中食過嘅墨汁意大利飯或意粉差好遠好快食完埋單走人，價錢就好平，但食物就好壞參半啦，作為平民飯堂都唔好太有要求，填飽個肚已經足夠，或者下次再試其他嘢食啦