露天池畔餐廳

Open Now

Now Closed

十月一日因為國慶有煙花表演,所以一個月前已經約好幾個好友兼訂了位來The Grill 吃池泮燒烤,訂位時已說明要泳池旁邊的座位,但去到個Waiter只係比左張近樹叢邊既位,於是我地要求找個話得事既Supervisor傾傾可否換回我地訂位時要求既近泳池之座位,點知個Supervisor一來到就用英文講一大篇費話,話全部座位已fully booked,我地多番據理力爭下才肯轉另一張稍近池邊既座位比我地。這間所謂五星級既酒店,唔通個個Supervisor都唔識講廣東話既,分明想我地唔識回應便迫我地座唔係池邊既位。後來我地仲發現原來佢地臨時留左一些近池邊既位比熟客,真係好激氣!講到野食方面,沙律真係唔錯,由其係柚子沙律、凱撒及芒果沙律。冷盤方面如螺、龍蝦等都幾鮮味,但蝦就無乜味道了。至於熱食就真係比較差,羊扒、牛仔骨等都麻麻地,有些仲好燶添!腸都係一般,鵝肝醬好咸,梳打餅唔趣,唯一比較好係個野菌湯,好好味!甜品種類少,唔係十分好味,麵包布甸如果下面可以有火興住會好味好多,可惜係無既!總括來說,地方唔錯,但好熱,邊食邊留汗,總之好壞參半,包括服務。