Video
Read full review
2020-10-26
321 views
差少少就七點半既時候到達店舖當時門口大概企左七至八人左右都啱既 食飯時間都預左要等同女店員示意一分鐘後就出黎寫左張飛仔比我地同時都交代返嗌到咩號碼然後就開始漫長既等待啦因為係有目標咁過黎 所以冇再刻意睇menu不過企門口都係周圍睇下啦咦！原來呢道都有omakase 仲要只係168 抵喎！兩個人 諗住叫兩個飯加份小食喺嗌 炸蝦卷+吉烈蠔 定係 炸物拼盤之間猶豫了之後等待既途中都好多人走黎拎飛 可能睇到佢地個場細 預計都要等一段時間都有好多人走左之後又再返黎等到入到去 已經八點二。。。原來全場店員只有一個放低場外可以拎走既彩色紙印menu叫我地喺上面圈就可以 雖然佢忙 但都刻意叫一叫停佢問下炸物拼盤係咩咁好啦 決定左就遞紙啦雖然舖頭細 但一個女員工睇上去都覺得有啲吃力人流高 出門口寫飛仔係佢落單埋單係佢 pack外賣係佢出餐收枱都係佢但少有地竟然一啲脾氣都冇如果係我應該好躁 態度會好差務求啲人唔入嚟食( ´▽｀)野飲冇寫喺menu上面可以自行喺雪櫃拎價錢都已經標示好 拎左罐芬達$5我就覺得食日本野係飲熱茶既關係冇拎( ´▽｀)見其他枱都有杯水 同行者都過去幫我拎左杯女店員真係好忙。。冇耐炸
當時門口大概企左七至八人左右
都啱既 食飯時間都預左要等
同女店員示意一分鐘後就出黎寫左張飛仔比我地
同時都交代返嗌到咩號碼
然後就開始漫長既等待啦
因為係有目標咁過黎 所以冇再刻意睇menu
不過企門口都係周圍睇下啦
咦！原來呢道都有omakase 仲要只係168 抵喎！
兩個人 諗住叫兩個飯加份小食
喺嗌 炸蝦卷+吉烈蠔 定係 炸物拼盤之間猶豫了
之後等待既途中都好多人走黎拎飛
可能睇到佢地個場細 預計都要等一段時間
都有好多人走左之後又再返黎等
到入到去 已經八點二。。。
原來全場店員只有一個
放低場外可以拎走既彩色紙印menu
叫我地喺上面圈就可以
雖然佢忙 但都刻意叫一叫停佢問下炸物拼盤係咩
咁好啦 決定左就遞紙啦
雖然舖頭細 但一個女員工睇上去都覺得有啲吃力
人流高 出門口寫飛仔係佢
落單埋單係佢 pack外賣係佢
出餐收枱都係佢
但少有地竟然一啲脾氣都冇
如果係我應該好躁
態度會好差務求啲人唔入嚟食( ´▽｀)
野飲冇寫喺menu上面
可以自行喺雪櫃拎
價錢都已經標示好 拎左罐芬達$5
我就覺得食日本野係飲熱茶既關係冇拎( ´▽｀)
見其他枱都有杯水 同行者都過去幫我拎左杯
女店員真係好忙。。
雜錦海鮮炸物拼盤
$88
9 views
0 likes
0 comments
冇耐炸物拼盤就到左 有兩碟沙律醬跟埋
十二點位置逆時針起係蝦 南瓜 蠔 帶子 墨魚
雖然係二人用
但其實兩個人就咁食炸物都有啲過量。。
如果話送啤酒 炸物又好似唔適宜放太耐
所以建議多過兩個人先嗌
炸出嚟顏色好靚 每件都係金黃色
唔同炸物有返自己相配既炸粉
不過因為工夫好多 所以估係嗌貨返黎炸
如果真係廚師自己整炸物。。真係廿萬個respect
只係因為我地係兩個人 星型咁放炸物會覺得漏
原條鰻魚飯
$88
8 views
0 likes
0 comments
無耐鰻魚飯都到左
真係遮住哂個飯既饅魚啊！
個鰻魚燒得同個燒汁淋得都好靚
鰻魚冇一撩就散 個汁撈飯都好正
原條鰻魚飯
$88
8 views
0 likes
0 comments
食到咁上下 店員忽然補返個味噌湯
係喎！一般定食 飯既話都係有齊前菜同湯
都幾難得 因為我地唔覺又冇出聲
但廚房/店員又會記得仲補比我地
火炙三文魚丼
$68
11 views
0 likes
0 comments
之後仲有個火炙三文魚飯
叫呢個既原因係曾經見到小店話
唔係咩位置都可以用黎火炙
覺得好似好勁咁( ´▽｀)
提返聲 黃色花花同綠葉只係decorations 唔食得啊
佢係喺魚個位燒過去
離皮遠一啲既位置保留返係生
生既部分既三文魚有返魚油既口感
炙熟左既位置都一啲都唔乾 燶邊位都未到有炭味
比較少見係配芝麻醬
有啲唔慣 但其實個味都係夾既
兩個飯 珍珠米好好食( ´▽｀)
好想讚埋個飯 有米香 唔會水多
食落有一粒粒既口感 但又唔係未熟硬生生
同行者話呢道係佢喺香港食過第二間好食既日本野
我都覺得味道黎講整體都真係唔錯
最後埋單$283
咦我而家先發現到好似收多左錢
又或者其實罐芬達係15蚊？不過其實唔重要
佢有個箱仔係放錢
最後都係將找返黎既錢都放左入去( ´▽｀)
只係計食物價錢都抵
Post
