夏午茶 (Closed)

今次呢一間手搖飲品店嘅老闆，係個00後，年紀輕輕出嚟創立一間飲品店真係好難得，仲不斷有新品推出，雖然未必樣樣都可以符合大家期望同口味，但係佢都會重視大家嘅意見同埋用心改良，正面樂觀咁面對挑戰。蜂蜜珍珠泰式粉紅泡泡凍奶💕 $28老闆問過泰國媽媽，決定還原泰國夜市風味，用袋裝珍珠奶茶，亦考慮到有啲朋友唔飲茶，於是又出咗呢個士多啤梨奶嘅版本。唔知係視覺效果定點，我覺得袋裝呢個比杯裝更冰涼消暑。珍珠有咬口，整體嚟講唔錯。鮮芒芒椰椰冰🥭 $30呢個係芒果配椰奶嘅夏日必勝組合🥭🥥作為甜品控嘅我覺得可以飲品甜品二合為一，非常好，仲有滿口椰果嘅加持，口感豐富。