Hidden Table (Closed)

作為燒賣關注組成員 之前見佢哋有燒賣放題就決定一定要嚟試吓佢哋!小店地方唔大 企咗3個人已經無咩位置食 所以原先打算放題嘅我哋變咗放棄就咁叫咗款蒸嘅櫻花蝦燒賣嚟食又意外地幾好味喎個櫻花蝦醬應該係用少少XO醬加埋勁多櫻花蝦整成嘅一份8粒 以我哋嗰時嘅胃口一人一半都啱啱好啦每粒燒賣上面都舖滿晒櫻花蝦口感好好 燒賣都唔會蒸到過晒龍 係好食嘅魚肉燒賣彈牙又有魚味 已經決定好下次如果有位一定會挑戰佢燒賣放題 食到三四款都基本上回咗本可能要搵啲平日少人啲嘅時間去先至得啦哈哈