潮食 (乙明邨街市) (Closed)

潮食 (乙明邨街市) (沙田)沙田乙明邨街9號地下乙明邨街市2-3號舖實不相瞞，我都好耐冇食港式小食！但係今次睇到雞蛋仔關注組既組員介紹，屋村竟然有隱世好味創新雞蛋仔，而且有組員係專程渣車入去，一見又喺我屋企嗰頭，就決定搵下～睇到menu，見到又真係好多唔同種類雞蛋仔，又pizza又餐肉蛋又豬柳蛋，好似好新鮮既配搭，唔知食落會點呢？💕 抹茶黑櫻米雞蛋仔 $21 (9/10)呢個雞蛋仔！係我暫時食過覺得最濃抹茶味既雞蛋仔（都可能因為我食得少🤣但係佢抹茶味真係好出，配搭黑櫻米咬感十足又香脆，好正呀🥳食完嘴邊仲係掛住一陣抹茶味，正到爆！建議熱辣辣食！😍 餐肉蛋雞蛋仔 $31 (9/10)呢個都一樣好好味！師傅真係好比足料，啖啖雞蛋仔都有餐肉咬到，好正，而且餐肉蛋同雞蛋仔都中和到鹹甜，真係唔錯既配搭！！而且望見佢既背面，勁吸引！！因為新鮮即製，所以都要等翻10-15分鐘～我閒日下午去都已經有幾個人一齊等～下次會好想試佢個蘋果肉桂，傳聞話好好味～～