Video
Read full review
2021-10-24
6443 views
好多改善空間既任食燒烤未幫襯前睇到好多負評，但由於天氣涼涼地，又玩完獨木舟，地點好就腳，就試下佢，睇下有冇啲評論講得咁差入場：買票只可以用現金，以週末每位238價錢來講，只收現金真係唔係太flexible, 而家唔係咁多人有好多現金在身，地點又唔係近市中心提款機🏧，除非真係非燒不可，否則出左市中心都未必再行返過來啦，入場門口專登整到好細，避免有無比錢既人可以閃左入去時間：基本上係無限時間，下午一點燒到晚上十點，比左錢佢會吸個印在食客手上，即日可無限次出入，食得落既話真係可以食足10粒鐘燒烤爐位置：留意返！成人每位價錢只係最「低級」燒烤爐位置，即係有蓋場內的燒烤爐，如果要坐「露天」/海景位/上層位，係要以每枱計額外加$100至$200蚊，而每枱係只坐4人.......所以呢個額外費用要計清楚。我同朋友都無所謂坐邊，所以就坐最基本個啲枱，即係有蓋的燒烤爐，有蓋既壞處就係無咁通風，左右隔離都係爐，比較易焗住啲煙，蓋頂有會轉既大風扇，所以啲煙會不規則地吹來吹去，所有碳會放在場內一角，唔夠碳就自己拎個膠桶仔去拎，一開始透爐真係唔好咁大火，否則好大煙，好易焗親自己燒烤用具配套：每位價錢包既用具有每
未幫襯前睇到好多負評，但由於天氣涼涼地，又玩完獨木舟，地點好就腳，就試下佢，睇下有冇啲評論講得咁差
入場：
買票只可以用現金，以週末每位238價錢來講，只收現金真係唔係太flexible, 而家唔係咁多人有好多現金在身，地點又唔係近市中心提款機🏧，除非真係非燒不可，否則出左市中心都未必再行返過來啦，入場門口專登整到好細，避免有無比錢既人可以閃左入去
時間：
基本上係無限時間，下午一點燒到晚上十點，比左錢佢會吸個印在食客手上，即日可無限次出入，食得落既話真係可以食足10粒鐘
燒烤爐位置：
留意返！成人每位價錢只係最「低級」燒烤爐位置，即係有蓋場內的燒烤爐，如果要坐「露天」/海景位/上層位，係要以每枱計額外加$100至$200蚊，而每枱係只坐4人.......所以呢個額外費用要計清楚。我同朋友都無所謂坐邊，所以就坐最基本個啲枱，即係有蓋的燒烤爐，有蓋既壞處就係無咁通風，左右隔離都係爐，比較易焗住啲煙，蓋頂有會轉既大風扇，所以啲煙會不規則地吹來吹去，所有碳會放在場內一角，唔夠碳就自己拎個膠桶仔去拎，一開始透爐真係唔好咁大火，否則好大煙，好易焗親自己
燒烤用具配套：
每位價錢包既用具有每人一隻發泡膠碟，一隻紙碟，一隻膠杯 （用來裝汽水），一枝燒烤叉，指定數量的盒裝紙巾，指定數量的小膠碗（用來裝蜜糖同牛油），我地一行5人就有兩盒紙巾同兩個小膠碗，呢啲用具係入場時比你，如果唔夠碟用或碟唔小心跌左落地，係要再比錢買碟，所以有啲「有經驗」食客會自備餐盒，避免要比錢再買碟，仲有好多人會用自備水樽裝汽水，因為任飲的汽水是以汽水機形式裝的，唔係任拎的罐裝飲品，而每人只有一隻膠杯，每次飲完都要再行去汽水機，坐得遠都幾麻煩，如果想任罐裝飲品或啤酒，就要額外比錢
另外有些免費任拎用具就係膠叉刀，膠手套，木筷子🥢，碳，簡單講，好多燒烤好需要既工具都需要額外每樣付費，例如燒烤網，食物鋏，錫紙……
食物及醬料：
任食食物係燒烤最基本野，腸兩款，丸類大概三款，黑椒雞腎，秋刀魚，咖哩尤魚，豬頸肉，豬柳扒，豬扒，雞扒，牛扒，雞中翼，雞全翼，紅腸，獅子🦁️狗，厚切連皮方包，切片法包，青色燈籠椒，罐頭菠蘿🍍，粟米🌽，蕃薯🍠，肉類基本上都係醃好哂，我地一行五人一致認為肉類係醃得幾好味，這些食物質素係唔錯既，我個人都好開心有豬柳扒同厚切方包
任拎既醬料有蜜糖，牛油，一些小包醬料，例如豉油，芥末醬，有些醬要額外付費
總括來講，呢間野在西頁市中心係少少獨家既……地點算唔錯，行返去碼頭都係10分鐘左右，又近落海位置，配套方面我同朋友都覺得好多基本用具有機會要額外收費，（例如杯碟每人只限一隻），倒不如店家在人頭費加多少少錢，令整體燒烤經驗好啲，當然一定有啲食客覺得用者自付，唔用者唔駛付係好既
如果你咁有心機睇到呢到，記得入場前做好心理同實際準備，祝燒烤愉快
Post
