一品刀削麵 (Closed)

今日同朋友去屯門工廠區視察下工程進度，搞搞下又一日，到黃昏嘅時候，就喺石排附近搵嘢食醫下肚餓求其入咗一間鋪，店舖無咩裝修，有少少舊，似係老店，坐底見到餐牌，55蚊有個3餸麵，加3蚊仲有豆漿，即管試下我叫咗東坡肉，韭菜餃，榨菜肉絲拉麵，飲咗啖湯，偏咸，d麵質ok，有咬口，韭菜餃好新鮮，好味道，但係個東坡肉就煮得差d，肉好鞋好乾，而埋豬皮上面，好多毛啊，成塊皮都係毛，如果有用心去清潔塊肉的話，無可能睇唔到有咁多毛，真係無曬胃口，成碗麵食咗3分1就投降但係份量充足，其實係抵食嘅