上海婆婆336 (Closed)

肚仔餓，但又想輕食。結果見到上海婆婆既午市餐牌有飯有麵、又有點心、酸辣湯咁樣。結果就忍唔住入去喇。麵餐跟一個點心！唔係好多餐廳既兩粒一粒，小籠包有四粒小籠包底有一片好薄既白蘿白，入面既湯汁熱，但未至於會淥親個咀。叫左野生椒牛肉撈麵，牛肉只係普通貨式。但d 辣椒真係唔講得小呀，有紅椒仲有一隻青色𠺢（青色果隻係酸味多d 既）。飯餐就叫左四季豆，無乜特別，但就跟一碗酸辣湯。酸辣湯唔夠酸，辣味唔算重，但就落足料。以上海餐廳黎講，有飯、有麵、有酸辣湯、有小籠包包括晒響個餐度。仲要係有水準既。真係要再黎。