Video
Read full review
2019-04-18
1339 views
最近有朋友係本 SAKE 雜誌度見到依間新居酒屋。有晚食完飯佢就吹雞叫埋大家去試下，因為我地幾個都好鐘意飲 SAKE，所以一於就去試下啦。雖然唔係地舖，不過都算好易搵到。係部𨋢好搞笑，好似似番左去八十年代咁。上到去夜晚十點幾都好多人，有啲似啱啱食完飯有啲似黎齋飲吹水嘅。感覺都幾日本下。一黎梗係搵酒先啦，佢可以一合一合咁叫又可以一支支開，咁我地有四個人都係一支支開啦。不過有一合簡都好嘅，有時人少少或者想試多幾款都可以一合一合咁叫。個店員都好熟書，鐘意飲開咩味同佢講都搵到啱嘅。佢啲款都好新，每款得幾支，生酒都有。所以我估都好快換，聽佢講間唔使都會換下個酒單。無計啦飲開 SAKE 嘅人通常鐘意追新嘢。基本上價錢都算親民而個 range 都 okay。三四百到二千幾蚊嘅十四代都有(後話：果日飲到 high high 地最後開左支十四代，好癲😂)。依家興果啲咩新政呀，作呀，鳯凰美田呀都有。 當然你唔好搵久保田嘅價去比，唔係話佢唔好飲，我都成日飲，不過 you get what you paid for 嘛。所以想飲得好啲特別啲都係好可以嘅。結果成晚係咁飲，飲左成五六支，仲飲到同隔離枱一齊飲到點幾
雖然唔係地舖，不過都算好易搵到。係部𨋢好搞笑，好似似番左去八十年代咁。上到去夜晚十點幾都好多人，有啲似啱啱食完飯有啲似黎齋飲吹水嘅。感覺都幾日本下。
一黎梗係搵酒先啦，佢可以一合一合咁叫又可以一支支開，咁我地有四個人都係一支支開啦。不過有一合簡都好嘅，有時人少少或者想試多幾款都可以一合一合咁叫。個店員都好熟書，鐘意飲開咩味同佢講都搵到啱嘅。佢啲款都好新，每款得幾支，生酒都有。所以我估都好快換，聽佢講間唔使都會換下個酒單。無計啦飲開 SAKE 嘅人通常鐘意追新嘢。
基本上價錢都算親民而個 range 都 okay。三四百到二千幾蚊嘅十四代都有(後話：果日飲到 high high 地最後開左支十四代，好癲😂)。依家興果啲咩新政呀，作呀，鳯凰美田呀都有。 當然你唔好搵久保田嘅價去比，唔係話佢唔好飲，我都成日飲，不過 you get what you paid for 嘛。所以想飲得好啲特別啲都係好可以嘅。結果成晚係咁飲，飲左成五六支，仲飲到同隔離枱一齊飲到點幾兩點😂
至於嘢食，基本個啲枝豆呀，漬物呀，螢光魷魚都齊。特別係個鱈魚乾好脆超好食，我地瘋狂encore。。可惜食左嘢先過黎，如果唔係可以試下佢啲主食。見隔離枱食果啲烏東呀鮑魚呀都好似 okay der。不過無食唔知咩味。
香港依啲選擇唔太多，有嘅一係就好貴，一係就無咩特別SAKE飲。所以依間應該係會回頭再會一會佢。
Post
