魚之神日本料理 (Closed)

話說今日收工攰攰地， 想搵間就腳嘅餐廳食飯，於是就同老公去左寶林依間叫「魚之神」日本料理餐廳。星期一7點晚上，唔駛等位直接可以入座。座位都好寬敞，番一番餐牌，發覺佢地都好多選擇，壽司刺身丼飯拉麵烏冬咩都有。老公睇兩睇好快就決定左食一人前便當B（$108），我就食什錦壽司餐A（$118），另下加多幾款壽司（因為餐牌太多選擇）。晚餐既味噌湯、吞拿魚手卷同餃子拉麵好快送上，雖然話係迷你拉麵，但一黎到都幾大碗。餃子有兩件，有d粟米、鳴門卷等等，再配上豬骨湯底，剩係一個拉麵，對一個女仔黎講都半飽。老公個一人便當仲有個便當盒，有漢堡、沙律、八爪魚、金菇牛肉卷。一人餐黎講，分量好大。絕對抵食。我既壽司餐最尾到啦，師傅應該係即整，所以最後先上，所以可能要等一陣。