Running 燒 (Closed)

突然之間好想食韓燒，聽朋友介紹呢間running 燒主打韓國燒肉料理，即刻黎試吓。餐廳好新淨，地方好闊落所以坐得好舒服。最吸引我嘅係呢度除咗有韓牛可以食之外仲有唔同種類嘅海鮮同埋炸雞全部都係任食！又有免費嘅甜品吧沙律吧飲品吧。叫咗幾轉已經覺得值回票價啦！韓國養生雞湯好好飲，感覺上中和左燒肉既熱氣，覺得自己健康左！而燒肉方面，有牛舌，五花腩，牛柳片，牛柳粒，雪花肥牛⋯⋯數之不盡口感都唔錯！我哋全部都有食😚海鮮方面鍾意食佢嘅帶子同埋燒生蠔🥳睇落都好新鮮。另外餐廳設有自助吧可以燒牛油粟米或者自製金針菇蒜蓉😎仲有一個位置係有好多唔同糖果🍬可以俾你拎嚟食！ 餐廳呢仲會有一兩個電視係不停播韓國偶像嘅MV同埋音樂所以呢度真係好岩韓國fans黎食呀！