Video
Read full review
2022-06-14
912 views
最近依間餐廳成為了我每星期至少食一次既選擇，試左佢幾款主菜後，係時候寫返一個食評。畢竟觀塘區少有如此多菜少肉又價錢合理（通常65蚊）既午餐選擇，值得表揚👍🏻透過餐廳網站先選一款主菜，再加配四種配菜同一款superfood及一種醬汁，就完成依個自選健康午餐啦！網站仲會顯示揀選食材既卡路里，關注健康人士就唔怕一不小心食錯野啦～我最常選擇既係雞胸肉，貪佢蛋白質多多又低卡，份量好足夠好飽肚㗎。而且餐廳應該係用慢煮烹調，所以雞胸都好juicy唔柴皮㗎～另外有時想食香口啲，餐廳有烤髀選擇，大大隻😍 餐牌話係烤既方法煮，相對健康，去埋皮食就更加guilt free~鯖魚就係正常鯖魚味😂 有時都要食下omega 3, 但問心我就覺得好唔夾沙律既🥹 另一選擇係煙三文魚（無影相）但好似無咁多，我怕唔夠蛋白質會係配菜度自己揀多隻蛋。有幾款墨西哥卷，原來卷入面再有菜🤪 今次真係菜放題 吞拿魚蛋卷味道不錯又飽肚～最後餐廳有少量熱食選擇提供，我淨係試過厚切豬，份量應該夠男士食了，比埋下層配料大家睇下，而且我上次件豬扒都唔太肥～配菜方面，我通常每餐會選一份碳水，例如南瓜/紫蕃薯，再揀一個生菜或雜菜底，推介既配料有車
透過餐廳網站先選一款主菜，再加配四種配菜同一款superfood及一種醬汁，就完成依個自選健康午餐啦！網站仲會顯示揀選食材既卡路里，關注健康人士就唔怕一不小心食錯野啦～
我最常選擇既係雞胸肉，貪佢蛋白質多多又低卡，份量好足夠好飽肚㗎。而且餐廳應該係用慢煮烹調，所以雞胸都好juicy唔柴皮㗎～
另外有時想食香口啲，餐廳有烤髀選擇，大大隻😍 餐牌話係烤既方法煮，相對健康，去埋皮食就更加guilt free~
烤雞髀
65 views
0 likes
0 comments
鯖魚就係正常鯖魚味😂 有時都要食下omega 3, 但問心我就覺得好唔夾沙律既🥹 另一選擇係煙三文魚（無影相）但好似無咁多，我怕唔夠蛋白質會係配菜度自己揀多隻蛋。
有幾款墨西哥卷，原來卷入面再有菜🤪 今次真係菜放題 吞拿魚蛋卷味道不錯又飽肚～
最後餐廳有少量熱食選擇提供，我淨係試過厚切豬，份量應該夠男士食了，比埋下層配料大家睇下，而且我上次件豬扒都唔太肥～
配菜方面，我通常每餐會選一份碳水，例如南瓜/紫蕃薯，再揀一個生菜或雜菜底，推介既配料有車厘茄莎莎，適當調味唔會太單調～蘆筍秋葵每次都好新鮮係清新之選，另外炒雜菇都幾好，夾熱食不錯👍🏻 有少少配菜係要加錢，我淨係試過泡菜，份量會令你覺得值回票價。
餐廳隨餐會附送水果茶或檸檬茶～當然可以叫走甜啦～我最鍾意佢係一個餐都肯送外賣，而且外賣員都好有禮貌㗎👍🏻🫶🏻
Post
