滿屋日本料理 (Closed)

今日同家姐係銅鑼灣行完街之後，唔知食咩好，經過銅鑼灣廣場二期，見到放題醒起都好耐冇食嚕，於是我地決定今晚食放題！我地揀左滿屋放題，見佢都幾多野食，例如有刺身、壽司及炸物等。剌身方面，我地叫左三文魚、甜蝦、松葉蟹棒，食落都幾鮮甜！而壽司方面，都非常多選擇，火灸芝味和牛、芝士黃金蟹棒燒、花之戀都幾好食！壽司都幾大舊架，細食既朋友就可以輕嚐下！我地仲叫左個海膽手卷，入口都唔錯架！串燒方面，我地叫左鹽燒牛舌同鹽燒雞軟骨，鹽燒牛舌真係燒得幾好味，食落好香又保持到個質感！雞軟骨都唔錯幾有咬口！一品料理方面，我地叫左和風汁牛柳粒同鐵板和風牛舌，牛柳粒炒得對幾入味！我地仲叫左黃金燒帆立貝同竹笙瑤柱蟹肉翅，蟹肉翅都幾香架！炸物方面，我地叫左虎蝦天婦羅、自家製吉列炸蠔同貓山榴槤炸彈，炸蠔炸得幾脆又唔會腥，而榴槤炸彈有好濃郁既榴槤香味，好正！總括黎講，呢間啲食物質素幾好，價錢又唔會太貴，上菜都上得幾快，侍應既服務態度都幾好，下次去銅鑼灣會再黎食！