Video
Read full review
2020-09-05
1033 views
唔知點解呢排好想食火鍋，所以等到有番晚市堂食就拉埋男朋友去食❤️.好多時去食任食火鍋包既就係火鍋配料、飲品同軟雪糕，但廿一前火鍋放題包既食物種類真係好多👍🏻一個價錢就包左前菜、火鍋配料、小食、魚生刺身、飲品同多款甜品，性價比高，而且食物質數好，所以我地食完真係覺得好滿足!!! 我逐一介紹下有咩食啦😋.前菜:款式比較西式，有沙律、凍青口、凍蝦、芝士、火腿同麵包，一次過滿足埋我食自助餐既癮🤤小食&魚生刺身:有多款串燒、炸串、炸物、天婦羅揀，我最推薦大家食燒露筍腩仔卷、燒金菇肥牛卷同炸芝士! 刺身方面，我地食左甜蝦、帶子、北寄貝同三文魚，全部都好夠凍，好新鮮!!!火鍋:我地今次揀左鴛鴦湯，一邊要黑松露牛乳湯，一邊要養生花膠雞湯，兩個湯底都各有特色。黑松露牛乳湯好香，無諗過原來牛乳湯同肉類都幾match，食落都唔會太膩。養生花膠雞湯有杞子、蟲草花同好多塊好厚身既花膠係入面，足料之餘，十分滋補。同出面食既花膠雞湯有別，呢到加左冬菇、蕃茄同菜，令到湯底更加清新。火鍋湯底上枱既時候，餐廳已經幫客人準備左一份牛肉、豚肉同雞肉，整體肉類質數都唔錯，尤其係牛肉同豚肉片，好少肥膏但食落唔會柴同韌，好味又健康。
.
好多時去食任食火鍋包既就係火鍋配料、飲品同軟雪糕，但廿一前火鍋放題包既食物種類真係好多👍🏻一個價錢就包左前菜、火鍋配料、小食、魚生刺身、飲品同多款甜品，性價比高，而且食物質數好，所以我地食完真係覺得好滿足!!! 我逐一介紹下有咩食啦😋
.
前菜:
款式比較西式，有沙律、凍青口、凍蝦、芝士、火腿同麵包，一次過滿足埋我食自助餐既癮🤤
小食&魚生刺身:
有多款串燒、炸串、炸物、天婦羅揀，我最推薦大家食燒露筍腩仔卷、燒金菇肥牛卷同炸芝士! 刺身方面，我地食左甜蝦、帶子、北寄貝同三文魚，全部都好夠凍，好新鮮!!!
火鍋:
我地今次揀左鴛鴦湯，一邊要黑松露牛乳湯，一邊要養生花膠雞湯，兩個湯底都各有特色。黑松露牛乳湯好香，無諗過原來牛乳湯同肉類都幾match，食落都唔會太膩。養生花膠雞湯有杞子、蟲草花同好多塊好厚身既花膠係入面，足料之餘，十分滋補。同出面食既花膠雞湯有別，呢到加左冬菇、蕃茄同菜，令到湯底更加清新。
火鍋湯底上枱既時候，餐廳已經幫客人準備左一份牛肉、豚肉同雞肉，整體肉類質數都唔錯，尤其係牛肉同豚肉片，好少肥膏但食落唔會柴同韌，好味又健康。另外，餐廳仲跟人頭數目送左份海鮮拼盤，有海蝦、蠔、帶子、蜆同墨魚，D海鮮都幾新鮮，唔錯。
其他肉類、蔬菜同粉麵都係放係出面自己夾，呢度有好多出面未見過既肉丸，好似馬蹄木耳貢丸、三星蔥爆漿貢丸、薑汁皮蛋貢丸、松露魚蛋小籠包等等，每樣食一粒都好快飽，哈哈。味道都唔錯，我最鍾意就係薑汁皮蛋貢丸，有無人都係皮蛋fans?
蔬菜種類都多，我最推薦大家食花生苗(第一次食呢樣野，覺得新奇! )、蟲草花、萵荀、金菇。
甜品:
要令一餐飯變得更完美當然就係食甜品﹗我去食當日有9款甜品揀，每款賣相都非常吸引，真係好難揀。最後我揀左綿花糖朱古力蛋糕，味道唔太甜，幾好味。食完cake個D記住食埋雪糕、雪條呀，選擇都幾多，有MELONA、可可貝妮雪糕等等。
餐廳採用卡位座位，而且每個卡位都好闊落，打邊爐坐得舒服D，食都食得開心D。我地個日坐窗口位，食一陣可以望下街景，都幾Chill，當日我地由天光食到天黑，捧住個肚好滿足喇咁離開，而家打完篇食評搞到我又想去食，大家都快D Bookmark之後去試下啦!
Post
