Monster Sushi (Closed)

知道好多人都話monster sushi好好味，加上靚仔吳彥祖有份開，咁就黎試吓啦！唔想等位，所以特登早少少黎，等左10分鐘就入得喇！因為得個半鐘用餐時間，所以一坐低就即刻點野食~~「卷物」：有「芒果吞拿魚卷」同「三文魚芝士卷」，前者既芒果同吞拿魚他他出奇地夾；後者既三文魚好新鮮，cream cheese亦有好多，好滿足！「炸蝦卷」都好正，隻蝦炸得夠乾身，又夠彈牙，好味！「壽司」：叫左好多樣野啊，有三文魚、腐皮、玉子、甜蝦、劍魚腩、生牛肉、火炙美乃支（即係沙律醬）三文魚等，全部都好好食，D飯唔會握得太實或太鬆，亦好大件，感覺好抵食XD「手卷」：叫左軟殼蟹手卷，軟殼蟹炸得好鬆脆，亦好厚肉，唔會話得舊炸粉咁，加埋醋飯食簡直一流！「玉子卷」：佢有幾款架，原味、鰻魚、黑松露等，我地全部叫哂，哈！個人覺得鰻魚最好食，黑松露就麻麻，唔好期望真係會食到有黑松露味。「燒物」：牛舌（好好食，好厚身，亦難得地好淋，啖啖都勁juicy，超讚）；牛油帆立貝（又係好正，D帆立貝好肥美，加埋牛油去燒好香）「炸物」：叫左炸雞軟骨（硬左D）同埋炸蠔（好肥美，又唔會炸到好油）哈哈，好似食放題咁豪食，成$700落樓，但真