生隆餅家 (Moved) New Location

特登出深水埗搵食當然要去埋生隆餅店買d餅食，一去到已經見到條排隊小龍，即刻走埋去排。眼見有好多餅揀，都好吸引！最後揀左自己鍾意食嘅皮蛋酥同白糖糕。返到屋企先食白糖糕，可能因為天氣凍既關係，白糖糕有d乾，不過甜度適中，冇酸餿味，係好食既。另外皮蛋酥，一咬就feel到陣陣紅薑味同埋好大粒皮蛋😂.未食過皮蛋酥咁大粒皮蛋，感覺好足料。可惜我愛甜如命，層蓮蓉少得可憐，如果可以加返多d蓮蓉就perfect la。