金亞淶泰國餐廳

Open Now

Now Closed

今晚同男友係荔枝角工廈食泰國菜，呢間餐廳特別在有個超大座嘅［泰式火山排骨］，好有氣勢，好大座，打卡一流，而且都好好味。泰式火山排骨 (豬) $158一上菜真係好震撼，超大座火山，由排骨（豬）砌成，已經炆煮至肉質鬆化軟腍，豬味濃郁，有少少筋位，骨與骨之間嘅肉，特別香又嫩腍，最緊要沾個泰式香料調成嘅醬汁，酸酸甜甜帶點辣，開胃刺激又好味，越食越辣，停唔到口，但辣味都好快散去。餐廳會提供膠手套，方便進食，落手食特別有風味，食得豪邁開心。泰式蝦餅 $68即叫即炸熱辣辣，個蝦餅彈牙爽口，蝦味幾重，仲食到蝦肉，沾甜辣醬更滋味。菠蘿海鮮炒飯 $88用料十足，有好多新鮮菠蘿，酸酸地又清甜多汁，魷魚爽彈，蝦肉超大又彈牙，仲有雞肉、臘腸粒、肉鬆，炒飯爽乾粒粒分明，仲有好香嘅香料味。青檸檬薏米水 $18薏米大粒飽滿粉糯，青檸水清新消膩，味道唔會好重，亦不太甜。泰式椰汁冰 $16香滑椰香夠冰涼，消爽解渴。椰皇三重奏 $35食完辣野好岩食呢款甜品，清涼舒喉。底層係椰青水整成嘅jelly，上層係椰漿jelly，再加上烘香嘅椰絲，三種味道同口感好正。入口化開就如食得嘅椰青水，好好味。