生記粥品專家

Open Now

Now Closed

今早會到上環工作，咁昨晚已諗定好今天早餐食乜。就係去好耐都冇去過嘅生記食粥，記得上次嚟此店都大概有十年了。呢間粥店舖位唔太大，堂食座位不多， 加上多咗遊客朝聖，聽講經常都要等位等好耐，今早8:30左右到達，未使等位。以前我爸和我經常會叫魚腩豬潤肉丸粥， 今次就照樣叫返碗魚腩豬潤肉丸粥 $77。先送上醬油姜蔥一小碗，隨後大大碗粥到來， 跟以前一樣真係料多過粥。 看得出粥底煲至好綿滑，夠火喉。入口粥味非常鮮甜， 魚腩大大件夠新鮮， 豬潤亦處理得非常好。老實講， 跟其他粥店比較， 同樣嘅粥呢度確實係有所分別。