十六座車仔麵 (Closed)

同老公o係新世紀睇完戲就行左過去先達呢邊食十六座車仔麵。我o地都幫襯左好多次，今次真係要黎寫下食評！呢間車仔麵有2層，而加疫情關係，每一枱都有圍哂板，唔洗驚同d陌生人有面對面既情況。食物方面，我鐘意佢地既撈麵，夠大碗同埋每樣餸都好入味！其實湯麵都好好，唔洗驚話好淡，都夠入味！最鐘意食佢地既蘿白同辣魚旦，一定要揀辣魚旦，夠哂辣，如果你唔食得好辣，個麵底可以唔洗揀辣汁，只揀辣魚旦都會有辣味！好惹味！個蘿白就真係最入味又甜又大舊，好正！飲品方面，果陣去揀4餸，飲品就可以半價嫁喇！我都會揀佢地既自制檸檬汁，碗麵咁大碗，飲返d酸mei mei飲品，開哂胃啦！佢地既樽仔奶茶咖啡都好好飲，同埋都有涼茶揀！