Video
Read full review
2024-06-13
7937 views
留意左呢間新開喺好兆年行地庫既韓國菜開左兩個星期，每次行過都唔見有客，只會懷疑佢點可以生存，呢個死位，之前嗰間都開唔夠幾個月就摺左，呢日終於忍唔住，同老婆做下試伏器。落到去，全店一個客都無，我地包場。新開張，D套餐做新張優惠，好抵食，2人餐只係400，4人餐都係1000，兩個人就叫左個媽媽套餐1，一個湯，再揀兩個主菜，仲有十幾個前菜。咁我地就揀左醬油蝦同豬肶，仲有大醬湯。先上個南瓜粥，原來只係一個南瓜湯，但係就加左幾片紅棗，幾粒脆米，同有幾粒大腰豆。共等左十幾分鐘，終於上菜，竟然係成個枱面推過嚟，真係好大陣象。大鄉里出城，未食過醬油蝦，梗係試左先啦。共四隻蝦，好乜大隻，平時出街都好少食咁大隻蝦，個頭一啜，勁甜，蝦身就好似食緊牡丹蝦咁，仲要調好味喎。每人兩隻，好滿足。另一個主菜就係韓式豬蹄，係要好似生菜包咁食，要加啲特製醬汁，夾埋生蒜片同辣椒片一齊食，好腍好入味，有生菜包住無咁漏。不過個鍋就差左啲，大醬湯，料都幾多，諗住試下啲地道韓食，點知太鹹，即刻同老闆反映左。過一個星期再食已經無左大醬湯呢個套餐最特別係有十二碟前菜，有和風柚子芝麻醬豆腐，好開胃，仲有一整條明太子，夠鹹送飯一流，仲有仲
新開張，D套餐做新張優惠，好抵食，2人餐只係400，4人餐都係1000，兩個人就叫左個媽媽套餐1，一個湯，再揀兩個主菜，仲有十幾個前菜。咁我地就揀左醬油蝦同豬肶，仲有大醬湯。
南瓜粥
117 views
0 likes
0 comments
先上個南瓜粥，原來只係一個南瓜湯，但係就加左幾片紅棗，幾粒脆米，同有幾粒大腰豆。
共等左十幾分鐘，終於上菜，竟然係成個枱面推過嚟，真係好大陣象。
醬油蝦
155 views
0 likes
0 comments
大鄉里出城，未食過醬油蝦，梗係試左先啦。共四隻蝦，好乜大隻，平時出街都好少食咁大隻蝦，個頭一啜，勁甜，蝦身就好似食緊牡丹蝦咁，仲要調好味喎。每人兩隻，好滿足。
蝦，肶
262 views
0 likes
0 comments
另一個主菜就係韓式豬蹄，係要好似生菜包咁食，要加啲特製醬汁，夾埋生蒜片同辣椒片一齊食，好腍好入味，有生菜包住無咁漏。
大醬湯
165 views
0 likes
0 comments
不過個鍋就差左啲，大醬湯，料都幾多，諗住試下啲地道韓食，點知太鹹，即刻同老闆反映左。過一個星期再食已經無左大醬湯
呢個套餐最特別係有十二碟前菜，有和風柚子芝麻醬豆腐，好開胃，仲有一整條明太子，夠鹹送飯一流，仲有仲有仲係熱嘅煎薄餅，熱辣辣，好幸福的感覺。
前菜陣
195 views
0 likes
0 comments
而個泡菜就係用新鮮菜炮製，比食開嘅甜。
米飯👍🏼
108 views
0 likes
0 comments
太多嘢食，所以叫佢只上一個飯，粒粒分明，閃閃令
終於有間試完唔伏嘅新餐廳。
Post
