長發海鮮酒家 (Closed)

想試蒸氣石鍋好耐，咁岩見到呢間酒樓有呢款晚市套餐，所以就book位食啦！餐單上有3款套餐揀，最後揀左最平的A餐！海鮮都算多種類，有海蝦/大聖子/大元貝/蠔/馬刀貝/黄金貝！除左海蝦有2隻之外的其他海鮮都係得一隻，起初以為會食吾飽，但完全估錯左！哈哈！係超級飽！因為海鮮真係大隻得好緊要！隻隻都有大過我手掌又係肉，手背又係肉！size巨型不在話下，鮮甜更加抵讚！每隻都係新鮮即整即煮！每款海鮮員工仲會set定時間，所以食個下係最prefect，正呀！海蝦仲要係有膏！好味道！最後如果吾夠飽仲有一早放係底蒸的南瓜粥！集合左咁多款海鮮的鮮味！