Chapter 3 Steak Bar & Restaurant (Closed)

第二次去Chapter 3, 上次係下午茶餐，整體上都可以。但這次午餐就非常失望。餐廳坐滿人，侍應都非常有效率，可能太忙，冇乜笑容。要咗兩個午餐，主菜要巴東牛肉咖喱，同軟殼蟹黑松露寛條面。餐湯似係南瓜湯，碎切南瓜，唔湯唔水，非常稀。巴東牛肉，四小塊牛肉粒，十條急凍甘筍條作配菜，寛條面非常咸，食咗兩口就食唔落。侍應收枱見寬條面剩好多，同佢講好咸，食唔落。回應「唔好意思」，之後冇下文，連重做一份都冇提。雖然午餐價錢好平、湯連主菜加餐茶加壹$90 唔駛，但出品連茶餐廳都比唔上，就唔應該將貨就價，情願你加多少少錢，都唔應該完全放棄品質，因為你始終係一間有基本質量嘅餐廳。唔會有下一次。