茶屋町 (長沙灣道) (Closed)

小弟同朋友係openrice睇左一輪，見呢間餐廳嘅飯、飲品、甜品都好吸引，所以就決定嚟試吓！可惜我哋一齊好失望咁離開。間鋪頭唔係好大，而且因為鋪頭嘅櫈係無櫈pan，所以係坐得好唔舒服。見到個餐牌已經覺得好吸引！落單嗰陣店員就同我地講今日全部甜品飲品都冇，原因係負責整甜品飲品嘅師傅已經收咗工但係嗰陣時只不過係夜晚八點幾，我地好無奈又好失望，唯有只係叫兩個飯試吓就算。呢一個飯冇乜醬汁，感覺上就好似飯還飯，肉還肉咁。雖然佢係標榜用日本米，但係飯略為鬆散，再加上冇乜醬汁，d飯係完全冇味呢個係餐牌見到嘅時候已經覺得好吸引，但係食落覺得好漏，而且佢啲芝士好鹹。兩個飯都有個共通點，就係唔夠熱，好失望。