利強記北角雞蛋仔 (Closed)

我成日經過都會買，每一次都覺得就算水準不一，但都一定比出面既雞蛋仔好食！但今次真係好激氣！今次係第一次佢有成幾底雞蛋仔攤左出黎，長買長有的一次！我一接過雞蛋仔，都覺得同之前唔同！超輕！唔係講笑！真係超輕！今日係09年01月16日既兩點半，心知不妙，即刻MEET一粒黎試下先！失望！超超失望！我好想回水，點會咁架！完全唔係我食開，有口感，一面脆脆但放落口仲有得趙，一面有軟綿綿既感覺！今次我一MEET, 碎晒！佢個面竟然神乎奇技地薄過張紙！底層當然有料極都有限！又唔暖！唔通真係冇人排隊就唔應該再買？調味還是OK的，只是質感比人地普通街邊賣梗十蚊底的仲差，點解要買佢？我每MEET一粒，就嬲一嬲！最憎食野食到輪輪盡盡，但佢真係薄到一MEET就碎，可以點？唯有怪自己倒霉！我盡量用IPHONE影低佢個面層俾大家睇，唔知大家睇唔睇到！佢係可以由頂部清淅咁望到窿窿, 透視到底部的呢！仲有影埋個橫切面俾大家睇！我好少影相咁認真！但真係太激氣！要影低晒佢黎REMIND自己冇人排隊唔再買！