Video
Read full review
2022-07-27
948 views
呢間金鳳茶餐廳歷史悠久，實質嘅開業年份都唔係好清楚，總之佢就係非常懷舊嘅舊式茶餐廳，好耐之前都有試過呢間，今次再去食之餘可以介紹一下，記住記住，呢間叫舊金鳳茶餐廳，係位於灣仔嘅，唔好去錯啊，佢哋嘅裝修不變，無論係門口定招牌都係比較舊式，而裏面嘅枱櫈擺位都係接近懷舊風，而菜式方面佢哋同同類嘅餐廳都係相似，平價鋸扒嚟計，呢一間都係選擇之一，之前食過質素係唔錯嘅，唔知今次食會唔會可以保持水準呢😆😆我哋嗌咗一份招牌牛柳餐，一份美國雞扒餐，法國香草焗蝸牛(12隻)，佢哋跟餐飲方面係有分大同世杯，細杯嘅會係平時茶記裝水既大細一樣，另外都會跟餐包🐮牛柳餐方面，講得招牌味道應該唔錯，但呢個餐令我超級失望，佢嘅肉質係林到好似落咗勁多鬆肉粉咁，完全冇牛味，放大少少睇好似湯渣咁，我唔明點解可以將一塊牛柳整到咁樣，好似唔知食緊啲乜咁🤢🤢估唔到冇食一排啲質素差咗咁多，話明係招牌，但點解都咁難食🐔但呢份雞扒餐又非常正常，佢有燒汁，黑椒汁，蒜蓉汁揀，我就揀咗份燒汁既美國雞扒，佢嘅肉質同味道完全冇問題，反而平價嘢黎計佢都真係唔錯，雞皮輕輕咁煎過，又唔燶喎，脂肪比例又幾好，跟餐有薯菜，特別佢呢度嘅薯條幾好食，雖然唔係脆
我哋嗌咗一份招牌牛柳餐，一份美國雞扒餐，法國香草焗蝸牛(12隻)，佢哋跟餐飲方面係有分大同世杯，細杯嘅會係平時茶記裝水既大細一樣，另外都會跟餐包
🐮牛柳餐方面，講得招牌味道應該唔錯，但呢個餐令我超級失望，佢嘅肉質係林到好似落咗勁多鬆肉粉咁，完全冇牛味，放大少少睇好似湯渣咁，我唔明點解可以將一塊牛柳整到咁樣，好似唔知食緊啲乜咁🤢🤢估唔到冇食一排啲質素差咗咁多，話明係招牌，但點解都咁難食
🐔但呢份雞扒餐又非常正常，佢有燒汁，黑椒汁，蒜蓉汁揀，我就揀咗份燒汁既美國雞扒，佢嘅肉質同味道完全冇問題，反而平價嘢黎計佢都真係唔錯，雞皮輕輕咁煎過，又唔燶喎，脂肪比例又幾好，跟餐有薯菜，特別佢呢度嘅薯條幾好食，雖然唔係脆，但味道同出邊嘅好唔同，有種說不出的味道👍🏻👍🏻
🐌法國香草焗蝸牛，雖然唔係好明點解個名嘅來源，但佢其實有少少似田螺咁，呢份蝸牛都係好失望，首先佢嘅油係超級多，之後基本上每一粒嘅蝸牛同個殼係完全分離，只係食到佢面頭嘅一堆綠色物體，睇落係香草，但其實食落冇乜味，好失敗🤢
總結嚟計，冇諗過會質素差咗咁多，冇下次😩
Post
