米亭 (Closed)

路過米亭，店員積極宣傳，又見肚餓，就行入去試下。第一次食，隨便地oder，叫咗秘製醬脆手撕雞上海麵(雞湯) ＋牛蒡絲＋石斛竹蔗茅根水。石斛竹蔗茅根水大至上係預期嘅味道，一般，無特別好味。响食麵同手撕雞之前，先食牛蒡絲，事關牛蒡絲唔係咁常見，碟嘢食無乜味道嘅，以為米亭係走清新路線。跟住就試咗一啖上海麵雞湯嘅湯底。嘩....油到儍咗，係好有雞味同雞油味，成碗嘢油淋淋。最後試埋個秘製醬脆手撕雞啦。一般預計，手撕雞應該要有啲清新嘅感覺，涼快啲，無咁heavy嘅。可能係因為有落埋雞皮嘅關係，呢碟手撕雞食落有啲半凝固嘅脂肪，換句話說食落會肥肥地，果啲脂肪味令到成碟嘢個味都好奇怪，令碟嘢啲青瓜嘅清爽感大打折扣。仲有果啲脆脆，其實夾唔到個手撕雞，係多餘咗。我都感覺到米亭好有心機，但進步嘅空間係比較大。希望以後會好啲。