sofi Coffee (Closed)

🔸sᴏғɪ🔸嘅門面同內裡實在有著強烈反差, 本以為同一般 Cafe 無異, 結果一入去彷如進入另一國度。店內充滿 ⌘ ℕ𝕖𝕨 𝔸𝕘𝕖 ⌘ 嘅象徵意味, 裝修簡約但優雅, 柔和嘅音樂氛圍令人慢慢放鬆, 比人一種久違嘅寧靜。座位與座位之間嘅距離令大家各自擁有屬於自己嘅小角落, 可以好好放空。特別欣賞店主刻意打造呢片空間, 畢竟喺寸金尺土嘅香港做呢個安排實在不容易。🍽 Creamy Kale and Smoked Salmon Waffle 三朵煙燻三文魚花實在好靚, 窩夫烘得好香脆, 有酥皮嘅感覺, 羽衣甘藍清甜, 配埋紫洋蔥同蜜糖芥末醬一齊食, 味道層次好豐富。☕️ Hot Chocolate拉花精緻, 朱古力濃而不甜。💭 整體食物飲品好好, 服裝態度都好好。 店內仲有鼠尾草, 秘魯聖木, 茶包等等可以購買。如果想放慢腳步, 感受寧靜, 絕對值得去呢度好好放鬆。