沙縣小吃 (Closed)

一間地方小店， 雖然地方唔係寬敞不過都叫做乾淨企理。 佢個蒸餃子超級好味。 個牛腩麵嗰種麵質 好特別 唔係雲吞麵但亦唔係日本拉麵， 但係煙韌爽口。 豬腦湯係高膽固醇之選 唔介意嘅話 食得過， 個豬肺都好正。 呢間店舖唯一一個比較煩惱嘅問題 就係 廚房似乎鍾意慢工出細貨 見佢哋煮嘢嘅手勢都係好滋油淡定慢慢嚟， 試過落咗order之後等成15分鐘有多先至有嘢呢。 佢哋沖嘅凍奶茶都好好， 唔係求其亂咁沖杯淡茂茂嘅奶水。 嚟呢度食嘢好多人就咁泊街， 小心呢度 抄牌抄得好密， 如果要食呢間鋪頭最好搵咪錶位同埋 預鬆啲時間。