Video
Read full review
2010-04-25
7 views
其實想試好耐家啦, 見到食評啲人講個蛋糕話好味好食, 但我有同事食過又話麻麻地喎, 冇乜朱古力味, 最衰呢到冇得一件咁買, 一買就要成個買, 又試唔到! 講到呢間啲雪糕, 啲食評人只係話雪糕同朱古力蛋糕既味道一樣, 大佬我地呢啲未食過既, 真係睇到火滾呀, 咁即係點呀, 好唔好食呢? 有冇同邊間有得比較呢? 由於呢間舖頭賣點係要預訂師傅先會即做, 所以就算walk-in都冇得買, 除非師傅果日做多左幾個先有咋, 分開6吋同8吋蛋糕, 6吋要預早1-2日訂, 8吋就一定要預早3日訂啦!今日終於去試食個朱古力雪糕, 我地去到只得一pair人喺到食緊雪糕, 店員好有禮貌呀, 問我地要單球定雙球, 單球$28 雙球$38, 我地叫左個雙球, 因為H店果到單球都$33啦, 呢到$38就有雙球啦喎, 果到都有個位比人企喺到食雪糕既, 雪糕質地比較軟身, 好黏既, 唔同平時啲雪糕硬身, 可能佢地做雪糕時冇打到咁多氣入去啦, 雪糕都好重朱古力味, 一個人食個單球已經好足夠, 因為太多會好漏, 但佢又唔太甜又唔會苦, 味道岩岩好! 呢間既雪糕試下無妨, 下次我都要試下個蛋糕先!有啲食評人講到呢間啲店員態
今日終於去試食個朱古力雪糕, 我地去到只得一pair人喺到食緊雪糕, 店員好有禮貌呀, 問我地要單球定雙球, 單球$28 雙球$38, 我地叫左個雙球, 因為H店果到單球都$33啦, 呢到$38就有雙球啦喎, 果到都有個位比人企喺到食雪糕既, 雪糕質地比較軟身, 好黏既, 唔同平時啲雪糕硬身, 可能佢地做雪糕時冇打到咁多氣入去啦, 雪糕都好重朱古力味, 一個人食個單球已經好足夠, 因為太多會好漏, 但佢又唔太甜又唔會苦, 味道岩岩好! 呢間既雪糕試下無妨, 下次我都要試下個蛋糕先!
有啲食評人講到呢間啲店員態度差, 我又唔覺喎, 今日去到有個曲髮女仔(下面有相)態度都好好呀, 我喺店內影相, 佢竟然問我地駛唔駛幫我同朋友影添, 食食下雪糕同朋友傾開呢到啲雪糕, 佢亦主動同我地講話佢地啲雪糕係點整既, 點解會同其他雪糕店有分別
另外呢間啲雪糕有得外賣番家, $78 大盒裝
ALL CHOCOLATE CAKE 6吋 $178
CHOCOLATE BANANA CAKE 6吋 $198
CHOCOLATE RUM & CHERRY CAKE 6吋 $208
Post
